– До 21 јуни, повеќе од 800 луѓе починаа од топлото време, од кои 500 од нив биле над 85 години. Во возрасната група помеѓу 75 и 84 години, регистрирани се 190 смртни случаи предизвикани од топлината, додека кај оние помлади од 65 години, починале околу 40, се наведува во соопштението на Институтот Роберт Кох. Поголемиот број од починатите се жени што укажува на фактот дека во групата граѓани над 85 години има повеќе жени отколку мажи.
Статистиката за смртни случаи од топлото време најверојатно може да се промени откако ќе пристигнат резултатите за најжешкиот период. Кон крајот на јуни во Германија беше соборен претходниот рекорд од 41,7 степени Целзиусови. – Смртните случаи се предизвикани или од директен топлотен удар или како комбинација од високи температури и од постоечки болести, се истакнува во соопштението на Институтот Роберт Кох.
Изминатите години највисока смртност предизвикана од високите температури на воздухот е забележана во 2018 година, кога починаа 8.000 луѓе.