Претседателот на САД, даде изјава во врска со мировните преговори меѓу Русија и Украина кои моментално се одржуваат во Турција..
„Време е едноставно да го завршиме тоа. Ќе го завршиме“, рече Трамп.
Тој додаде дека сака да одржи средба со рускиот претседател Владимир Путин што е можно поскоро – штом можат да го договорат тоа.
Трамп повтори дека не е изненаден што рускиот претседател Владимир Путин не дошол на состанокот што Соединетите Американски Држави се обидоа да го организираат во Турција меѓу украинската и руската делегација.
„Путин не сакаше да дојде затоа што јас не сум таму“, тврдеше Трамп, кој вчера рече дека значителен напредок во преговорите е малку веројатен сè додека тој и Путин не се сретнат лично.
За потсетување, американскиот претседател е на последниот ден од посетата на Блискиот Исток, а денес зборуваше на настан на Советот за деловна соработка во Обединетите Арапски Емирати.