Македонија

Државниот завод за ревизија откри сериозни неправилности во Агенцијата за вработување

Над половина од средствата концентрирани во неколку градови

2 минути за читање

Агенцијата за вработување на Република Македонија во 2024 година, кога била под контрола на владата на СДСМ и ДУИ, исплатила 23,4 милиони евра за активните мерки за вработување, но без да обезбеди рамномерен регионален развој, покажува извештајот од ревизијата на Државниот завод за ревизија.

Ревизорите констатирале дека повеќе од половина од средствата за одделни мерки биле концентрирани во мал број центри за вработување. Така, 62,05% од мерката за самовработување, како и над 50% од мерките за субвенционирање на плати и вработување и раст на правни субјекти, биле реализирани само во Скопје, Тетово, Струга, Куманово и Пробиштип.

Кај субвенционирање на плати, дури 327 од 646 одобрени апликации (50,6%) доаѓаат од четири центри (Скопје, Струга, Тетово и Куманово). Кај вработување и раст на правни субјекти, 587 од 917 апликации (64,1%) се реализирани во пет центри.

Ревизијата утврдила и ниска ефикасност на мерките. За напредни ИТ-вештини исплатени се околу 1,4 милиони евра, но само 184 од 735 кандидати (25,03%) успешно го положиле завршниот испит.

Сериозни слабости се забележани и кај исплатата на парични надоместоци за невработеност, за што се потрошени речиси 21,5 милиони евра. Најголемиот дел од исплатите (67,91%) се однесуваат на престанок на работен однос на определено време. Ревизорите откриле случаи на договори склучени за само три дена, продолжување над законскиот максимум и повторно вработување кај истиот работодавач по користење на надоместокот.

„При ревизијата се констатирани случаи на договори за вработување на определено време склучени во траење од само три дена, договори продолжувани над законскиот максимум од пет години, како и повторно вработување кај истиот работодавач по користење на правото на паричен надоместок, што упатува на потреба од зајакнување на контролите при остварувањето на ова право“, се наведува во извештајот.

Ревизорите заклучуваат дека Агенцијата нема доволно јасни и прецизни правила за остварување на правото на паричен надоместок, што доведува до различно толкување и нееднакво постапување.

Дополнително, забележани се неправилности и во трошењето на средства за адвокатски услуги – од вкупно 93.295 евра, 77,46% се реализирани преку еден адвокат, дел од услугите без целосна документација и без јавна набавка.

Ревизијата повторно укажува дека Посебниот фонд за вработување на лица со инвалидност не ги добива сите средства што му следуваат според законот.

Извештајот на Државниот завод за ревизија укажува на потреба од значително зајакнување на контролните механизми, подобрување на мониторингот и обезбедување на правична регионална распределба на средствата наменети за вработување.

Поврзани теми:

Државен завод за ревизија|Агенција за вработување на Република Македонија|актуелно|ДУИ|СДСМ

Повеќе на оваа тема:

Најнови вести од: Македонија

Мицкоски: Со блокадата на Изборниот закон Левица прави само театар за мал број на гласачи, кои им веруваат

Премиерот Христијан Мицкоски се уште го чека предлогот на опозицијата за Изборниот законик, со цел тој да биде донесен, а со тоа државата да ги исполни сите од предвидените 10 реформски чекори кои треба да се завршат до средината на месецов, а се од интерес на граѓаните. Пратениците од владејачкото мнозинство, вели, имаат усогласен став дека ќе се прифати секој предлог на опозицијата со вградени препораки на ОБСЕ-ОДИХР и содржано гласање на дијаспората. Она што го прават од опозициската Левица со Изборниот законик, вели, е театар за нивниот мал број гласачи.

Народниот херој Цветан Димов усмртен од бугарскиот фашистички окупатор со фрлање од прозорец по ѕверски измачувања на денешен ден пред 84 години

На денешен ден, на 9 јули 1942 година во Скопје е усмртен народниот херој Цветан Димов од страна на бугарскиот фашистички окупатор. По неколкудневни тешки измачувања и ѕверски тепања, бил фрлен од прозорец од четвртиот кат на Обласната бугарска полициска управа во Скопје од страна на Љубомир Јорданов, началник на групата А на државната безбедност во Обласната полициска управа. Цветан Димов, познат меѓу народот како Целе Чаирчанец, (Скопје, 5 март 1910 [1] – Скопје, 9 јули 1942 ) е македонски комунист, синдикалец, и учесник во НОБ. Заедно со Орце Николов бил еден од најистакнатите организатори на работничкото и комунистичкото движење во Скопје меѓу двете светски војни. По ослободувањето, на 26 јули 1945 година, е прогласен како народен херој на Југославија, како еден од првите борци од Македонија кои го добиле тоа одликување заедно со Орце Николов, Стеван Наумов – Стив, Мирче Ацев, Страшо Пинџур, Христијан Тодоровски – Карпош и Кузман Јосифовски – Питу.

Георгиев: Бесниот великобугарски шовинизам е жестока болест на Бугарија со неговото негирање на македонството и македонскиот идентитет!

„Великобугарскиот шовинизам е жестока болест на Бугарија. Тоа не е родољубие, туку бесен национализам, преобразен во манија за величие на една земја во сразмера, трипати поголема од секој нејзин потенцијал, со злоба кон сè небугарско, со болни територијални и национални стремежи, со чудовишно угнетување на националните малцинства внатре во неа. Издигнат во ранг на национална политика, на национална свест и психа, во начин на живеење на сите генерации, великобугарскиот шовинизам десетици години беше темел на буржоаска Бугарија. Анализиран преку сите негови пројави, тој е бугарска идеологија.“ – има напишано бугарскиот универзитетски професор д-р Константин Георгиев од Софија во предговорот на својата книга „Филетизам или проклетство: аспекти на великобугарскиот шовинизам“. Ова е капитален историографски и социолошки труд во два дела. Првиот дел од овој обемен труд е веќе објавен на македонски јазик во 2016 година. Издавачката куќа „Македоника литера“ од Скопје објави на својот фејсбук-профил дека деновиве го испечати вториот дел од студијата на професорот Константин Георгиев.
Сите вести од Македонија

Најнови вести

To top