И актерот Владо Јовановски имаше што да ѝ каже на еврокомесарката за проширување Марта Кос по нејзината посета на Македонија вчера, потсетувајќи на нејзините асоцијации со идентитетот на Македонците по македонската кујна од нејзината претходна посета во Скопје.
„Пинџурот не е мојот идентитет госпоѓо ЕУ-комесарке! Од која и земја и култура да доаѓате.
А да, македонскиот пинџур, и тавче гравче, и полнети пиперки итн. се прекрасни, ама тоа не е македонскиот идентитет, кој треба да стане бугарски, за Р. Македонија да влезе во ЕУ.
А ако постојано тоа го верглате со секое ваше доаѓање, во оваа древна македонска земја и исконска култура, со традиција, да не зборувам за историја илјадовековна, меморија, митологија…
Подобро е да не доаѓате и да не го лижете ѓонот на вашите потпетици.
Благодарам за двосмислените одговори на поставените прашања од нашите новинари и догледање!“, ѝ порача Јовановски на Словенката преку Фејсбук