Македонија

Бујар негира дека „шурувал“ со Вучиќ

ВРЕДИ соопшти дека официјален документ од Претседателството на Србија, според нив, ја побива „пропагандата на ДУИ за српскиот свет“.

Потпретседателот на ДУИ, Бујар Османи, возврати на обвинувањата од ВРЕДИ дека како министер за надворешни работи во 2021 година, на средба со српскиот претседател Александар Вучиќ разговарал и за унапредување на положбата на Србите во Северна Македонија, оценувајќи дека владејачката коалиција ги меша дипломатските обврски со политичките одлуки.

„Мора да бидат навистина очајни во ВРЕДИ, ако отишле дотаму што официјалните состаноци на Министерството за надворешни работи ги претставуваат како политички определби, додека секојдневното коалицирање со негатори на независноста на Косово, негатори на геноцидот во Сребреница и релативизатори на Охридскиот договор го претставуваат како нормалност“, порача Османи.

Тој додава дека, според ваквата логика, би требало да бидат спорни и средбите на косовскиот премиер Албин Курти со Вучиќ, на американскиот претседател Доналд Трамп со кинескиот претседател или на кој било министер за надворешни работи со претставници на држави со кои има несогласувања.

„Дипломатијата не подразбира средби само со луѓе со исти гледишта. Таа постои токму за да се сретне со оние со кои не се согласувате, да ги заштити интересите на вашата држава и да ги унапреди нејзините ставови. Дипломатските средби се уставна обврска. Коалицирањето е политички избор“, истакна Османи.

Тој нагласува дека соопштението на кое се повикува ВРЕДИ е објавено од Кабинетот на претседателот на Србија и ги одразува ставовите на српската страна, а не на Македонија.

„И денес повторно би се сретнал со секој свој соговорник, дури и кога не се согласувам со него, затоа што тоа е должност на министерот за надворешни работи. Но, никогаш не би избрал да коалицирам со оние што ја негираат независноста на Косово, го релативизираат геноцидот во Сребреница или ги поткопуваат правата на Албанците. Тоа е разликата меѓу дипломатијата и политичкото потчинување“, порача Османи.

Претходно, ВРЕДИ соопшти дека официјален документ од Претседателството на Србија, според нив, ја побива „пропагандата на ДУИ за српскиот свет“.

Од владејачката коалиција тврдат дека документот покажува оти претставници на ДУИ, додека биле на власт, разговарале за теми кои, според нив, не биле поврзани со приоритетите на Албанците, оценувајќи дека актуелните обвинувања на ДУИ претставуваат политички обид вината да се префрли на други.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

To top