Македонија

Во ноќна акција на МВР и ренџерите пронајдени вооружени лица во строго заштитената зона на НП Пелистер

Вооружените лица откриени во зоната на строга заштита на националниот парк

2 минути за читање

Лица вооружени со огнено оружје биле пронајдени во зоната на строга заштита на Националниот парк Пелистер. Тие се откриени откако ренџерите и полицијата од СВР Битола организирале ноќна акција на тешко достапен терен на над 2.000 метри надморска височина.

Од Националниот парк велат дека токму делот за строга заштита е многу често цел за незаконити активности, бидејќи нема доволно надзор.

Лицата кои имале оружје а кои минатава недела биле фатени се ловци.

Од Националниот парк Пелистер велат дека теренот на кој се одвивала потрагата е тешко достапен и тежок за контрола на ренџерската служба бидејќи нема соодветна инфраструктура за редовни патролни активности.

Ренџерската служба на Националниот парк „Пелистер“ заедно со полицијата морале повеќе од три часа да се движат во мрак по непристапен терен на планината на надморска височина од 2000 метри за да ги откријат лицата со огнено оружје кои противзаконски влегле во строго заштитената зона во паркот.

Шумските патишта кои според сите стратешки документи на НП Пелистер требало да бидат клучни артерии за заштита на природата и противпожарна заштита и контрола на ренџерска служба за жал полека пропаѓаат.

,,Тие се високо на агендата на активности на НП Пелистер и веќе се работи на нивно опоравување“, велат од НП Пелистер.

Фото НП Пелистер

Поврзани теми:

Вооружени лица|топ|Ренџери|парк

Најнови вести од: Македонија

(Фото+Видео): Ужасот над Зелениково, ноќеска од пожар спасени куќи, рече Ангелов

Околу 2 часот по полноќ пожарот над Зелениково веќе не бил далечна црвена линија на ридот. Огнот се приближувал кон последниот ред куќи, а една вознемирена жителка побарала помош од директорот на ДЗС. Во такви минути нема простор за административно префрлање од телефон на телефон – или некој реагира веднаш или растојанието меѓу пламенот и домот станува опасно кратко.

Политиката мора да ги тргне рацете од образованието, реагира министерката Јаневска

Многу години наназад образованието било поле каде што се судрувале политички копја, но откога јас сум министер постојано повторувам и јасно дадов на знаење дека политиката мора да ги тргне рацете од образованието, затоа што, не е тоа флоскула туку реалност – образованието е еден од најсилните столбови на државата и е потребно во сите ресори, рече Јаневска.

(Видео): Нема повеќе листи на чекање – сè се сработува во предвидениот рок, рече Андоновска

Институтот за јавно здравје (ИЈЗ) ги расчистил заостанатите предмети и повеќе нема листи на чекање за пристигнатите барања од МАЛМЕД, информира директорката на Институтот. „Некогаш се чекало од три до шест месеци и се имаше натрупано работа, предмети… Некои се чувале и по фиоки, се прашувам зошто!?“, напиша директорката Марија Андоновска. Таа посочува дека со […]

Голем метеж и чекање на граница, само на „Богородица“ се чека околу еден час

Од АМСМ апелираат до возачите да ја приспособат брзината кон условите на патот и да ја почитуваат поставената сообраќајна сигнализација. Се препорачува дополнително внимание при движење низ котлините, речните долини и клисурите, каде што постои ризик од појава на одрони.

Млади луѓе со години чекаат трансплантација на срце

Дарко и Васко бараат шанса за живот, која може да се роди во најтешкиот момент за едно семејство – со одлуката да донира органи и да спаси други животи. За десетиците пациенти кои чекаат трансплантација, органодарителството е единствената надеж.

Почина 72-годишен скопјанец од западнонилска треска в болница

Седумдесет и двегодишен скопјанец почина по компликации од западнонилска треска, соопшти денеска директорот на Инфективната клиника во Скопје, Фадил Цана. Пациентот бил со тешка клиничка слика на менингоенцефалитис, а уште при приемот во болница бил во тешка општа состојба.
Сите вести од Македонија

Најнови вести

To top