Поранешниот вицепремиер и министер за одбрана на Бугарија, Красимир Каракачанов, не заборави да ѝ се нафрли на Македонија и додека го слави роденденот на фашистичкиот соработник во Втората светска војна, Ванчо Михајлов, роден на денешен ден пред 130 години во штипско Ново Село.
„Стравот од него е толку силен што со децении, а и до ден денес, југословенските и сегашните северномакедонски власти сурово ги прогонуваат идеолошките следбеници на Иван Михајлов.
Властите во Скопје пред три години донесоа и посебен закон, со кој се забранува дури и споменувањето на неговото име и читањето на неговите дела. Но… тој што се плаши од нешто, умира од тоа.
Да се прашаме колку од денешните политичари во Софија и во Скопје ќе заслужат место во престижни публикации како што е ‘Енциклопедија Британика’.
Но, за Иван Михајлов таа најде место на своите страници и во 1932 година го дефинираше како човекот од кого зависи мирот или војната на Балканот.
Духот и името на Иван Михајлов го победија кралскиот српски режим, ја победија Југославија и го надживеаја комунизмот во Бугарија.
Напорите на денешните тирани во Скопје да ја скршат бугарштината во Македонија се залудни, бидејќи не згаснува она што не се гаси и духот на слободата е бесмртен“, порача лидерот на ВМРО-БНД.