Американскиот претседател со уште едно видување за руско-украинската војна која започна пред три години:
„…Не заборавајте, ова требаше да заврши за една недела. И да не се заглавеше во калта со своите тенкови, ќе беше во Киев за околу пет часа“, рече Доналд Трамп мво интервју за Фокс љуз.
Тој повтори дека само тој лично може да ја заврши војната.
„Секогаш чувствував дека не може да има состанок без мене, бидејќи на тој начин нема да има договор. Има многу омраза од двете страни.
Имам многу добри односи со Путин; мислам дека ќе постигнеме договор“, рече Трамп. Тој повтори дека доколку дипломатските напори не успеат, е подготвен да прибегне кон економски притисок врз Русија.
Одговарајќи на директното прашање на водителот дали го смета Путин за главна пречка за мир, Трамп го префрли фокусот на украинскиот претседател Володимир Зеленски.
„Видете, имав навистина тежок состанок со Зеленски затоа што не ми се допадна она што го кажа и не ми ги олесни работите. И секогаш велев дека нема ‘карти’. И нема“, нагласи Трамп.