Македонија

По 34-ти пат Меѓународен театарски фестивал што го носи името на славниот актер

Фестивалот се одржува од 8 до 13 овој месец во Центарот за култура „Антон Панов“ со финансиска поддршка од Министерството за култура и Општина Струмица

Името на фестивалот го носи еден од најголемите македонски актери, Ристо Шишков, чие наследство е мерило за актерското мајсторство. Токму затоа, фестивалот е место каде што секоја улога, секој збор и секоја емоција се претвораат во борба за престижната награда „Ристо Шишков“.

Годинава фестивалот повторно ќе ја собере актерската елита, но и публиката која со години ја следи оваа значајна културна манифестација.

Струмица во наредните денови повторно ќе живее во знакот на театарот. Со претставата „Уна“, во која настапува Никола Ристановски, се отвора 34. издание на Меѓународниот фестивал на камерен театар.

Повеќекратно наградуваната претстава на „Звездара театар“ од Белград се изведува од 20 часот во големата сала на Центарот за култура „Антон Панов“, со што и официјално започнува шестдневната фестивалска приказна.

До 13 септември, Струмица ќе биде домаќин на театарски уметници и претстави од земјава и регионот, во фестивал кој традиционално во центарот ја поставува – актерската игра.

Фестивалот за отворен го прогласи градоначалникот на Струмица, Петар Јанков.

„Денес, 34 изданија подоцна, Фестивалот „Ристо Шишков“ е една од препознатливите точки на културната мапа на Струмица и на Македонија. Но, она што го прави овој фестивал посебен и негова најголема вредност е тоа што во центарот го става актерот. Овој фестивал е посветен на актерското остварување. На талентот, дисциплината, подготовката и храброста на актерот да излезе пред публиката и секоја вечер одново да создаде свет на сцената. И токму така се објаснува неговиот континуитет од 34 изданија, рече Јанков кому директорот на Фестивалот Ванчо Ристов Патриков му додели медалјанот со ликот на Шишков.
Медалјони добија и Јоана Шишкова, ќерката на Ристо Шишков и претседателот на Словетот на Струмица, Никола Маџунков.

Во конкуренција за единствената награда за највисоко актерско остварување „Ристо Шишков“, која се состои од златен медалјон со ликот на Шишков, парична награда од 1.500 евра и плакета се актери од 10 претстави од земјава, Бугарија и Србија.

Вечерва на фестивалската програма се две претстави: „Бог на колежот“ на МНТ Скопје во режија на Весна Петрушевска и „Годо“ на Велешкиот театар по мотивите на „Чекајќи го Годо“ од Семјуел Бекет во реѓија на Ѓорѓи Ризевски.

Фестивалот се одржува од 8 до 13 овој месец во Центарот за култура „Антон Панов“ со финансиска поддршка од Министерството за култура и Општина Струмица.

Најнови вести од: Македонија

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Муцунски: Проширувањето на ЕУ е геополитичко обединување на Европа и стратешка инвестиција во постабилен и побезбеден континент

Министерот за надворешни работи и надворешна трговија Тимчо Муцунски синоќа во Скопје се обратил на конференцијата „Безбедноста во Западен Балкан“, организирана од германскиот институт „Аспен“ (Aspen Institute Germany) во соработка со Министерството за надворешни работи и надворешна трговија.

Најнови вести

To top