Фудбалската репрезентација на Македонија се пласира во елитните квалификации за Европското првенство 2026 во Естонија со победата над Гибралтар од 9:0, која ѝ го донесе второто место на турнирот во Турново.
„Црвено-жолтите“ освоија 4 бода, колку и Унгарија, но имаа подобра гол-разлика од ривалот со кој ремизираа 2:2, а загубија од лидерот Чешка со 2:0.
Хет-трик за македонските надежи постигна Папалиски, Џанаровски погоди двапати – од игра и од пенал, а по еднаш во листата на стрелците за запишаа Љачка, Михајловски, Цветковски и Мамути.
Услуга на избраниците на селекторот Владимир Колев им направија Чесите со победата од 7:1 над Унгарците во последното коло.