Македонија

Пазарот на недвижности со раст во првото полугодие

16.126 трансакции и вредност на купопродажбите од 625,7 милиони евра

Пазарот на недвижности во земјава во првата половина од 2026 година бележи умерен раст на активноста. Регистрирани се 16.126 трансакции, што е за 2,2 отсто повеќе во однос на истиот период лани. Од нив, 11.395 се купопродажби, а 4.731 се закупи. Вкупната вредност на купопродажбите достигнала 625,7 милиони евра, или 21,3 отсто повеќе од првата половина на 2025 година.

Најголем удел во купопродажбите имаат становите и земјоделското земјиште и шумите, додека становите се и категоријата со најголема вкупна вредност на реализираните трансакции. Истовремено, просечните цени на становите во повеќе општини бележат раст, а вкупниот износ на месечните закупнини е зголемен за 29,4 отсто.

Највисока постигната цена на стан по квадратен метар е регистрирана во Општина Центар и изнесува 206.640 денари, односно околу 3.360 евра за квадратен метар. Станот бил со површина од 50 квадратни метри и купопродажна цена од 168.000 евра, покажуваат податоците од Регистарот на цени и закупнини.

Најголем број трансакции е регистриран во април – 2.902, додека најмал број е евидентиран во јануари, со 2.246 трансакзции.

Во првото полугодие од 2026 година во Регистарот се впишани 9.369 продажби на недвижности, 1.718 продажби од инвеститор, 281 откуп од државата и 27 продажби на лицитација. Најголем удел имаат становите со 3.746 купопродажби (32,9 отсто) и земјоделското земјиште и шумите со 3.703 купопродажби (32,5 отсто). Следуваат куќите со 1.424 (12,5 отсто) и градежното земјиште со 1.366 (12 отсто). Овие четири категории заедно сочинуваат околу 89,9 отсто од сите купопродажби.

Вкупната вредност на купопродажбите од 625,7 милиони евра е зголемување за 109,7 милиони евра во однос на 516 милиони евра во истиот период од 2025 година. Во споредба со 2024 година (446,9 милиони евра), растот е 40 отсто.

Најголема вредност е реализирана кај становите – 289,1 милиони евра. Потоа следуваат куќите со 101 милион евра, деловните простори со 98,3 милиони евра и градежното земјиште со 52,6 милиони евра. Најзначителен раст е забележан кај деловните простори – 80,7 отсто.

Меѓу општините, највисока вредност на купопродажбите е реализирана во Аеродром со 83,8 милиони евра (раст од 75 отсто), потоа во Центар со 78,3 милиони евра и Карпош со 62,8 милиони евра. Најголем процентуален раст е забележан во Гостивар (81 отсто), Куманово (77 отсто) и Аеродром и Гази Баба (по 75 отсто). Намалување е регистрирано во Струга, Тетово, Струмица и Кисела Вода.

Највисока цена на куќа е регистрирана во Карпош – 1,5 милиони евра, а највисока цена на деловен простор во Аеродром – речиси 6,8 милиони евра.

Просечната цена на становите од стара градба била највисока во Центар (1.547 евра/м²), Аеродром (1.532 евра) и Карпош (1.523 евра). Кај становите од инвеститори највисоки просечни цени се во Центар (1.712 евра), додека најниски се евидентирани во Струмица.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top