Македонија

Јотова загрижена што лекторатите по бугарски јазик се заменуваат со такви по македонски

За бугарската претседателка било неприфатливо „изместувањето на важноста на Бугарија како земја што ја создала кирилицата и словенската култура“

Бугарската претседателка Илијана Јотова изрази загриженост што во водечките универзитети во Европа и во светот се отворале лекторати по македонски јазик на местото на лекторатите по бугарски.

„Не можам, а да не бидам загрижена од фактот дека губиме лекторат по лекторат на водечките европски и светски универзитети, каде што лекторатите по бугарски јазик се заменуваат со лекторати по македонски јазик и македонска култура, на пример“, изјави Јотова во гостувањето на БТВ.

„Ние сме должни кон нашата историја, на нашето самочувство како Бугари, на нашиот идентитет. Заканите за нашата азбука се многубројни и доаѓаат од различни насоки“, додаде таа, објаснувајќи ја со тоа иницијативата што ја почна како потпретседателка во 2022 година – Меѓународниот форум за кирилицата.

За шефицата на бугарската држава, „неприфатливо е на меѓународно ниво да се изместува важноста на Бугарија како земја што ја создала кирилицата и словенската култура“.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

To top