Бизнис

Регулаторна одлучи: Дизелот поскапува, а бензинот поевтинува

Новите цени на горивата носат поевтин бензин, но значително поскап дизел. Одлуката на Регулаторната комисија предвидува намалување на цената на бензините за 1,50 денари за литар.

2 минути за читање

Дизелот поскапува за 5,5 денари, а бензините ќе поевтинат за 1,5 денари по литар. Според одлуката на Регулаторната комисија за енергетика, новата цена на дизелот ќе изнесува 104,5 денари за литар. Додека 95 октанскиот бензин ќе се точи по 99 денари, а 98 октанскиот за 101 денари за литар. Одлуката доаѓа како одговор на поскапувањето на рафинираниот дизел на медитеранската берза за 7 % минатата недела како и зајакнувањето на доларот во однос на денарот за 1 %.

Министерката за енергетика, рударство и минерални суровини, Сања Божиновска, денеска  изјави дека состојбата со цените на горивата редовно се следи. Таа рече дека Владата засега не преговара со „ОКТА“ за нов попуст на горивата, но доколку продолжи растот на цените на нафтата и горивата, ќе бидат разгледани дополнителни мерки за заштита на стандардот на граѓаните.

  • Ако ескалира ситуацијата со цената на горивата, Владата ќе ги преземе сите мерки за да го ублажи ризикот кон граѓаните – рече Божиновска, одговарајќи на новинарски прашања.

Според министерката, растот на цените е последица на случувањата на светскиот пазар и воените конфликти, врз кои, како што посочи, земјата нема директно влијание. Божиновска потсети дека Владата веќе презела мерки за ублажување на ударот врз граѓаните, меѓу кои намалување на акцизата и намалување на данокот на додадена вредност за горивата од 18 на 10 проценти.

  • Дискутираме, гледаме и ќе се консултираме на ниво на Влада. Влада имаме во вторник, ќе видиме како понатаму. Ние секако сме за заштита на стандардот на граѓаните, меѓутоа ќе мора да разгледаме кои се и фискалните импликации врз буџетот – истакна министерката.

Во моментов, како што потврди Божиновска, активна мерка е намалувањето на ДДВ од 18 на 10 проценти. Таа додаде дека постои можност за воведување и други мерки, но нивното донесување зависи од фискалните можности и одлуката на Владата. Во однос на можноста за нов договор со „ОКТА“, министерката рече дека засега нема преговори за дополнителен попуст.

  • Не сме почнале, меѓутоа ако ситуацијата ескалира и понатаму, ќе ги преземеме сите мерки за да го ублажиме ризикот кон граѓаните – рече Божиновска.

Владата, според најавите, дополнително ќе ја разгледува состојбата со цените на горивата и можните фискални мерки.

Поврзани теми:

топ|актуелно|РКЕ|нафта|Сања Божиновска|гориво|дизел

Повеќе на оваа тема:

Најнови вести од: Бизнис

Прво пенливо вино од линијата „Луда Мара“ на „Тиквеш“: Од Тиквешијата, создадено за светската сцена

Винарската визба „Тиквеш“ го лансираше на пазарот Luda Mara Sparkling – првото пенливо вино во линијата Luda Mara. Неговиот современ визуелен идентитет е креиран во соработка со реномираното шпанско дизајнерско студио Girafa, со цел автентичното потекло на виното да биде претставено преку препознатлив дизајн со кој може рамноправно да застане на винските полици на развиените светски пазари. Од „Тиквеш“ посочуваат дека новото пенливо вино е пример како локалното потекло и традиционалното винарско знаење можат да се поврзат со современите светски трендови, при што очекуваат значителен интерес кај потрошувачите.

Хуманоста како традиција: „АЛКАЛОИД“ со нова донација за здравјето на најмладите

Од првиот Хуманитарен пикник до денес собрани се близу 14 милиони денари наменети за поддршка на здравствени установи, хуманитарни и граѓански организации, деца, лица со ретки болести, ранливи категории и лица од третото доба, како и за иницијативи за заштита на животната средина

Мицковски: Со завршувањето на проектот за антимон ќе ја зголемиме важноста на Македонија и економскиот стандард

Тој се повикува и на првичните извештаи за резервите, според кои, како што наведува, тие би можеле да бидат значително поголеми од збирните резерви на двете водечки земји во светот во производството на антимон

Хрватска е првата земја што најде решение за македонските транспортери

Хрватска е првата земја што најде решение за македонските превозници. Од 23 септември оваа земја треба да почне да прима барања за долгорочни визи. Ова го најави Билјана Муратовска од Макам-транс. Во другите земји сè уште важи старото правило, возачите можат да бидат во Шенген најмногу 90 дена во период од 180 дена.

Сите вести од Бизнис

Најнови вести

To top