Македонија

Филипче разочаран, иницијаторите на платформата најавуваат план Б

Се продлабочува расколот во СДСМ

2 минути за читање

Поделбите во СДСМ дополнително се продлабочуваат. Откако Платформата „Разговори за иднината во 12 и 5“ отвори нов фронт во партиските редови, реториката сега се засилува. Партискиот претседател Филипче вели дека е разочаран од екс-функционерите на партијата и не штеди зборови за сопартијците кои тргнаа во негова смена.

„Јас не сум скаран, но мора да кажам дека сум разочаран поради тоа што вратата им беше отворена и ја имаат отворена, ако навистина имаат добра намера. Зошто не се вклучија во досегашните партиски активности?! Еве пратеничката Петровска не се појавила на ниту една партиска активност во изминатите месеци, ја нема извршено својата партиска должност. И сега ќе зборува за некакви реформи. Првенците на таа платформа се луѓето коишто нанесоа најголема штета на партијата и за малку ќе ја закопаа“, изјави Венко Филипче, претседател на СДСМ. 

Тој додаде дека партијата има нов тим и дека приоритет е консолидацијата на СДСМ, без повторно да се наметнуваат политики кои претходно ѝ нанеле штета на партијата.

„Првенците на таа платформа се луѓето кои што и нанесуваа најголема штета на партијата. За малку ќе ја закопаа со лошите политики. Заклучно со 2024 година. Сега ние имаме нов тим, млади луѓе, се обидуваме да консолидираме, повторно ставаат сопки. Нема да им помине, само добра намера, прифаќаме. Ништо друго“, рече Филипче.

Иницијаторите на Платформата најавија дека неделава ќе му го претстават на Филипче планот за консолидација и окрупнување на опозицискиот фронт. Велат дека имаат и план Б, но засега тој останува непознат за јавноста.

Поврзани теми:

топ|СДСМ|Платформа|Обвинувања|раскол|Платформа 12:05

Повеќе на оваа тема:

Најнови вести од: Македонија

(Фото): Во Македонија една третина од смртните случаи се од кардиоваскуларни заболувања

Од кардиоваскуларни заболувања минатата година во земјава починале 6.888 лица, а овие заболувања учествуваат со 34 отсто во вкупниот морталитет. Со стапка на смртност од 378,4 на 1.000 жители, кардиоваскуларните заболувања се на прво место меѓу причините за смртност.

Поплавена зградата на „Нова Македонија“

Пет до шест дена ќе бидат потребни за нормално функционирање на зградата на „Нова Македонија“, откако е утврдено дека поплавата ја предизвикала пукната топловодна цевка на вториот кат, изјави директорот на Службата за општи и заеднички работи на Владата, Ивица Томовски.

Стојков: Грција и Бугарија ќе го користат примопредавањето на моштите на македонскиот цар Самуил за пропаганда против Македонија!

„Свечената“ објава на бугарскиот премиер Румен Радев дека в сабота, на 3 октомври, Грција ќе ѝ ги предаде посмртните останки од цар Самуил (починат 1014 година), одекна не како историско-научна сензација, туку токму така како што беше и конструирана – со политичко тенденциозност спрема Македонија. Ова се нагласува во статијата со наслов „Стојков: Не е сигурно дека моштите се на цар Самуил, а Бугарија и Грција немаат ни правна основа за нивно примопредавање“, која ја објави информативниот портал „МКД.мк“

(ВИДЕО) Разбиена е криминалната и терористичка група од Скопје, кај која е пронајдено знаме на „Исламска држава“! – Кривична пријава за тројца (Видео)

МВР информира дека вчера Одделот за сузбивање на организиран и сериозен криминал во соработка со Агенцијата за национална безбедност, Одделот за специјални полициски операции и СВР Скопје, под раководство на надлежен јавен обвинител од Основното јавно обвинителство за гонење на организиран криминал и корупција, спроведе координирана полициска акција, во која е сузбиена организирана криминална група од Скопје, инволвирана во вршење на кривични дела од областа на тероризам и недозволена трговија со оружје.

Мицкоски: Во судството има измеќарско малцинство, кое им слугува на СДС и ДУИ

Говорејќи за правосудството во емисијата „Под лупа“ на ТВ „Алфа“, претседателот на Владата Христијан Мицкоски истакна дека таму, покрај огромното мнозинство чесни луѓе, постои и измеќарско малцинство, кое им слугува на СДС и ДУИ.
Сите вести од Македонија

Најнови вести

To top