Со багер и друга механизација се уриваат тезги на Бит-пазар и се чисти просторот каде што биле поставени.
Како што објави телевизија Телма, тезгите се во сопственост на приватна фирма, но засега нема информации од Општина Чаир за причините за нивно отстранување.
Дополнителни детали за акцијата се очекуваат накнадно да бидат соопштени.
Од снимките може да се види како багер собира остатоци од градежен материјал и ги товари во камион, а условно кажано, акцијата се одвива во простор ограден со метална ограда, налик на градилиште.
Од Град Скопје на прашањето дали до нив е доставено некакво барање или не, во врска со отстранувањето на тезгите, на одговор упатиле во Општина Чаир, наведувајќи дека Градот не е надлежен.