Бизнис

Многу македонски компании ќе учествуваат на најголемата саемска манифестација во светот – Експо 2027

EXPO 2027 одржи од 15 мај до 15 август, темата на големата светска изложба е „Игра за човештвото: Спорт и музика за сите“ и ќе обедини учесници од повеќе од 140 земји од светот

Околу 100 македонски компании се пријавиле да учествуваат на најголемата саемска манифестација во светот „Експо“, која ќе се одржи 15 мај до 15 август 2027 година во Белград. Македонскиот павилјон е со големина од 660 квадратни метри, а како што кажа Александар Велиновски, комесар за македонскиот павилјон, административните процедури за неговата изградба биле како да се гради стан во центарот на Белград.

  • Има компании од сите дејности – туризам, производство, козметика, стоматолошки услуги… Сојузот на стопански комори, со кого соработуваме, ќе им даде логистичка поддршка за тоа како најдобро да се претстават. Нашиот буџет за оваа манифестација е околу еден милион евра, од кои најмногу ќе се потрошат за павилјонот што треба да биде готов до крајот на годината. Пари има и за промоција – рече Велиновски.

Тој објасни дека тема на нашиот павилјон е „Сите ритми на сонцето“.

  • Посебен акцент има туризмот, виното и храната и токму сонцето што ги прави поинакви кај нас – потенцираше Велиновски.

Данило Јериниќ, директор на „Експо 2027“, рече дека ќе учествуваат 140 земји од светот, се очекуваат четири милиони посетители, од кои 1,2 милиони од странство.

  • Темата на саемот е „Играј за човештвото – спорт и музика за сите“. Токму, спортот и музиката во нашиот регион традиционално ја поврзуваат публиката преку државните граници, а оваа моќ на поврзување ја препознава и темата на „Експо“ – рече Јериниќ.

На манифестацијата се очекува и учество на 20.000 волонтери, а од Македонија се пријавиле околу 1.000.

  • Младите луѓе ќе може да разговараат меѓу себе, да споделуваат искуства. Ќе може да се запознаат со оние од Кина, Австралија, Саудиска Арабија. Тоа е наследството што ќе го оставиме за идни контакти и пријателства – рече Јериниќ.

Србија се избори во остра конкуренција да биде домаќин на „Експо“. Целиот проект го чини Белград 1,29 милијарди евра, но очекувањата за придобивките се големи. Според подготвената студија за ефектите од „Експо 2027“, се проценува дека проектот би можел да генерира 9,07 милијарди евра нова вредност за српската економија до 2037 година, мерено според бруто-додадената вредност.

Јериниќ рече дека имаат детален план што ќе прават со објектите по завршување на манифестацијата – ќе добијат простории за меѓународен саем, простор со 3.000 седечки места, односно 15.000 за седење за концерти, помал бизнис-центар, а модуларните делови што може да се користат за разна намена, ќе се разнесат низ градовите по Србија за да може секој град да добие парче од „Експо“. На манифестацијата се предвидени 8.000 настани – културни, спортски и музички.

Најнови вести од: Бизнис

Коридорот 8 ќе биде целосно завршен до 2029, автопатот Кичево-Охрид до втората половина на 2027, потврди премиерот

Изградбата на автопатските делници од Коридорот 8 во западниот дел на земјата се интензивира во изминатите две и пол години, а целокупниот патен правец треба да биде завршен до 2029 година – најави премиерот Христијан Мицкоски на промоцијата на интегрираниот граничен систем „One Stop Shop“ на граничниот премин Ќафасан.

(Видео): ТЕЦ „Неготино“ повторно ќе произведува струја, рече премиерот

Премиерот тврди дека струјата од ТЕЦ „Неготино“ би чинела од 170 до 175 евра за мегават-час. За три години е предвиден ископ и транспорт на три милиони тони јаглен од Косово, а ЕСМ подготвува набавка на 45.000 тони мазут.

Камата 4,6%, рок до 1 декември – Граѓаните можат да запишат обврзници од 10.000 денари

Четвртата емисија на Граѓански обврзници предвидува каматна стапка од 4,6 отсто и рок на достасување од две години. Запишувањето се врши во деловните банки, а аукцијата е закажана за 3 декември.

Просечна плата од 88.787 денари во ИТ секторот, во угостителството само 35.447 денари – на што се должи тоа?!

Растот на просечната нето-плата се должи на повисоките исплатени плати во секторот „снабдување со вода, отстранување на отпадни води, управување со отпад и дејности за санација на околината“, каде што е забележан раст од 11,6%.

Најнови вести

To top