„Како Македонци имаме должност да се бориме и да не дозволиме нашиот македонски народ да биде газен и понижуван. Ударот против нашето сонце и знаме е дрзок удар против целиот македонски народ,
Брусењето и вандализирањето на 16-кракото македонско сонце е највисок чин на антимакедонизам, кој ние нема да го толерираме. Ние Македонците сме дискриминирани и третирани како граѓани од втор ред во сопствената држава. Доста беше молчење, доста беше понижување кон нашиот македонски народ, имаме должност да го кренеме нашиот глас и да се избориме на нашите права“, вели Димитар Џундев, кој ја почна иницијативата поддржана од 6.639 граѓани и неколку здруженија.
Во иницијативата се вели дека македонскиот национален симбол и симболот на Македонците во сите делови на Македонија, Сонцето од Кутлеш, било нелегално избрусено од општинските власти, односно вандализирано.
Постои одлука од Советот на Општина Гевгелија за поставување на споменикот со Сонцето од Кутлеш, но нема одлука за отстранување. Иницијаторите петицијата ја испратија и до Министерството за локална самоуправа, до Министерството за култура и до Државниот инспекторат за локална самоуправа. Одговорот е дека надлежноста е кај Општина Гевгелија.
Одговор од Општина Гевгелија околу ова прашае, не доби ни редакцијата на МКД.мк .
Споменикот „Судени за Македонија“ во Гевгелија е посветен на политички прогонуваните Македонци во периодот од 1945 до 1990 година, кои се залагале за независна македонска држава надвор од југословенската федерација.
Споменикот беше подигнат по иницијатива на Здружението на политички прогонуваните лица, со поддршка на Општина Гевгелија, а при неговото откривање, во 2013 година, било истакнато дека треба да се чува споменот на луѓето што биле прогонувани поради нивните политички убедувања и нивното залагање за независна Македонија.
