Во Скопје на 60 годишна возраст, почина долгогодишната новинарка и одговорен уредник на Сателитскиот Сервис на МТВ1, Јулијана Тануровска.
Тануровска важи за најдобар познавач на македонските верски прилики и сложените состојби со признавањето на МПЦ-ОА кои ги следеше голем дел од нејзината кариера.
Тануровска целата своја новинарска кариера ја помина во националниот сервис МРТВ.
Беше и репортер и уредник во информативната програма и на Сателитскиот сервис.
Меѓу колегите ќе остане запаметена како новинар кој одговорно, детално и со прецизен новинарски израз обработувааше сложени теми од национален интерес, во најголем дел од сферата на образованието и црквата.
Колегите и семејството на Тануровска се простуваат од неа на социјалните мрежи, изразувајќи длабоко жалење за прерано згаснатиот живот.
Погребот на Тануровски ќе се одржи в недела на Градските гробишта во Бутел.
Последна вест