Македонија

Епохалното археолошко откритие на проф. Драги Митревски на Скопското Кале добива свој монументален музејски дом

Македонија добива врвна културно-туристичка атракција и монументално сведоштво за македонското и светското културно наследство

2 минути за читање

Капиталните археолошки истражувања на Скопското Кале, кои со години ги предводеше тимот на еминентниот професор д-р Драги Митревски, конечно се на чекор да го добијат својот заслужен, монументален епилог кој ќе остане како трајно национално богатство на Македонија.

Деценискиот труд, кој резултираше со пронаоѓање на илјадници бесценети артефакти од праисторијата па сè до османлискиот период, наскоро ќе биде презентиран пред пошироката јавност на најсовремен и достоинствен начин.
Ова епохално истражување претставува едно од најзначајните археолошки дела во поновата македонска историја.

Со макотрпната работа на тимот на професорот Митревски се разоткрија длабоките историски слоеви на Скопската тврдина, создавајќи монументално научно и културно дело кое го потврдува континуитетот на живеење на овој простор.

Овој историски локалитет денеска беше посетен од претседателот на Владата, Христијан Мицкоски, кој изврши директен увид во финалните фази од ревитализацијата на тврдината и двата нови музејски објекти – Музејот на Праисторија и Музејот на Османлискиот период. Овие простори во иднина ќе бидат дом на над 5.000 клучни пронајдоци од ископувањата.

Во својата изјава за медиумите, премиерот Мицкоски јасно ги претстави амбициозните планови за идната функционалност и сјај на Скопското Кале:

„Денеска извршивме увид во завршните активности за обновување и ставање во функција на двата музејски објекта на Скопското Кале.
Има много работи коишто треба да се средуваат една од тие е и Скопското Кале. Успеавме да излеземе од тие предизвици поврзани со Скопје – европска престолнина на културата.
Очекувам во периодот којшто следи калето да го добие оној лик и функционалност каква што ја заслужува, тоа е она што ќе биде наша цел како Влада заедно со институциите коишто се за различни делови надлежни.
Очекувам кога сето ова ќе биде завршено да имаме исклучително квалитетен објект во Скопје којшто ќе претставува една од неколкуте исклучително ретки и важни туристички атракции.
Ние како Влада ќе застанеме позади институциите и финансиски и логистички да скопското Кале го добие оној лик којшто го заслужува и да биде дел од Скопје-европска престолнина на културата“.

Со заокружувањето на овој голем проект, Македонија не само што го спасува и трајно го заштитува трудот на домашните археолози, туку добива и врвна културно-туристичка атракција. Скопското Кале, збогатено со научните откритија на проф. Митревски, останува како траен споменик и монументално сведоштво за македонското и светското културно наследство.

Поврзани теми:

Христијан Мицкоски|топ|Кале

Повеќе на оваа тема:

Најнови вести од: Македонија

Ристески: Дигитализација и иновациите во производствените капацитети се неопходни за компаниите да опстанат и да бидат конкурентни на меѓународниот пазар

Годишната индустриска конференција „MANUFACTURING 2026 – Трансформација кон иновации“ е во организација на Македонското здружение на металната и електроиндустријата (MAMEI), Стопанската комора на Македонија и Европскиот дигитален иновациски хаб – ДигитМАК

Туристички бум во Турција: Рекордни приходи од туризмот од 51,3 милијарди долари во првите девет месеци од годинава

Вкупниот број посетители во Турција во наведениот период достигнал 49,1 милион. Руската Федерација со 5,70 милиони посетители, Германија со 5,17 милиони и Обединетото Кралство со 3,20 милиони посетители останаа трите најголеми туристички пазари за земјата.

Ѓуров и Јотова бараат примена на „Францускиот предлог“, што е негирање на македонскиот јазик и Македонците, кои во 1890 бараа од Цариград негова употреба!

На 29 октомври во завршната дебата на Бугарската национална телевизија пред одржувањето на вториот круг на претседателските избори во Бугарија на 1 ноември 2026 година Андреј Ѓуров и Илијана Јотова, двата кандидата за претседател на Бугарија, го повторуваат барањето да се внесат Бугарите во уставот на Македонија. Едновремено тие бараат и „целосна примена“ на злогласниот „француски предлог“ и „Вториот протокол“, со кои во најдиректна смисла официјална Софија бара Македонија „да признае и да прифати“ дека „македонскиот народ и јазик имаат бугарски корени“. Јотова уште сево ова го нарекува „европска политика. И Ѓуров и Јотова се во жесток судир со реалноста и со историјата. На 30 октомври 1890 година Македонците од Охрид испраќаат официјална молба до Високата порта во Цариград. Во оваа молба, македонските првенци експлицитно бараат дозвола за основање македонски училишта во Охрид и околината, во кои наставата ќе се изведува на македонски јазик. Ова е еден од најважните документирани јавни прогласи од XIX век каде што јасно се дефинира засебноста и автентичноста на македонскиот јазик, независно од пропагандите на соседните држави.

(Фото+Видео): Нова авиолинија Скопје-Тиват, наскоро директно од Скопје до црногорското приморје

Станува збор за реализација на договореното при неговата претходна посета на Подгорица, нагласувајќи дека новото авиоповрзување ќе има значење за зголемување на размената меѓу двете држави.

Пријавете се на работилницата на „Реплек“ со Марко Пејчиновски: „РЕсет за внатрешна сила. РЕсет за добросостојба“

Овие иницијативи се надополнување на бројните активности што компанијата континуирано ги реализира за своите вработени во рамките на платформата РЕсет, со цел поттикнување здрави животни навики, личен развој и целокупна добросостојба.

Мицкоски: Очекувам победа на ВМРО ДПМНЕ во Брвеница! Да се гласа не за етнички поделби, туку за подобар живот во Македонија!

Денеска ќе имаме завршно обраќање пред жителите на Брвеница. ВМРО-ДПМНЕ во секоја кампања влегува со цел да победи, така и во оваа кампања во Брвеница, во вториот круг. Во првиот круг имавме најмногу гласови, речиси 3000, очекуваме тој број на гласови да го зголемиме. Очекувам победа на ВМРО-ДПМНЕ и Коалицијата – изјави денеска премиерот и лидер на владејачката македонска партија Христијан Мицкоски одговарајќи на новинарско прашање во однос на вториот круг за избор на градоначалник на општина Брвеница.

Тачи: Албанските партии треба да се договорат за документ за целосна политичка и територијална автономија на Албанците во Македонија!

Лидерот на ДПА, Мендух Тачи, меѓу другото, во емисијата „Дијалог“ на медиумската платформа на „Лајм“  зборуваше и за „потребата од постигнување договор меѓу албанските партии за одобрување на документот за целосна политичка и територијална автономија“.
Сите вести од Македонија

Најнови вести

To top