Видео од телевизиска студиска дебата, споделено денеска на Facebook од страна на Богдан Илиевски, предизвика бројни реакции и саркастични коментари на социјалните мрежи.
Во клипот, кој е преземен од телевизиска емисија на Телма, се води разговор за банкарството, при што еден од соговорниците, новинарот Сашо Ордановски тврди дека името на Алта банката наводно е изведено од првите букви на Александар и Тамара Вучиќ.
Проблемот е што во моментот кога е основана банката во 2008 година Вучиќ е во брак со првата жена Александра со која е во брак уште три години а со Тамара се жени во 2013 година кога банката работи веќе 5 години.
Илиевски видеото го сподели со ироничен тон, исмевајќи го ваквото толкување како уште една апсурдна теорија на заговор за наводно скриено значење зад имиња на институции и компании.
,,Патем, Халк банка е од инкредибал Халк. НЛБ од Насте, Леон и Благоја. Се е јасно како ден, само најдобрите умеат да откријат први.
П.с. За оние кои не го виделе претходното видео каде оваа јака теза се појави на надзорната расправа, компанијата Алта е формирана во 2008 година, Вучиќ е во брак со првата жена Ксенија до 2011, а со Тамара стапува во брак во 2013.
Банката може да е лично негова или на којзнае кого, ама вакви измислени тези да се фрлаат вака самоуверено пред јавност е ниво под кое има мнооогу малку простор”, објави Илиевски.
Објавата брзо собра повеќе од стотина реакции и десетици коментари, во кои корисниците во сличен саркастичен стил почнаа да измислуваат свои „алтернативни“ толкувања за името „Алта“, како и за други банки.
Коментарите покажуваат дека поголем дел од публиката го доживеала клипот не како сериозна дебата, туку како партиска забава и повод за шега на сметка на теориите на заговор кои често се шират на социјалните мрежи.
Видеото