Бизнис

(Фото): Над 60 македонски и грчки фирми учествуваа на бизнис-форумот во Стопанската комора во Скопје

Претседателот на Стопанската комора Македонија, Бранко Азески, во своето обраќање истакна дека со потпишувањето на Преспанскиот договор размената оди во нагорна линија. Настанот имаше за цел да ги продлабочи економските односи меѓу двете земји и да отвори нови можности за деловна соработка и инвестициски партнерства меѓу компаниите.

3 минути за читање

Над шеесет компании од Македонија и Грција учествуваа на Бизнис-форумот што денес се одржа во Стопанската комора на Македонија, организиран во соработка со Амбасадата на Република Грција во Скопје. Настанот имаше за цел да ги продлабочи економските односи меѓу двете земји и да отвори нови можности за деловна соработка и инвестициски партнерства меѓу компаниите.

На Форумот учествуваа претставници на Атинската комора за трговија и индустрии, Грчката федерација на претпријатијата, Грчката асоцијација на извозници, Enterprise Greece и претставници на бизнис-заедницата од двете земји. Посебен акцент беше ставен на директните B2B-средби, преку кои македонските и грчките компании разговараа за конкретни можности за соработка и развој на долгорочни партнерства. Форумот собра компании од осум различни сектори – храна и пијалаци, фармација и козметика, информатичка технологија и комуникации, градежништво и градежни материјали, медицинска опрема, еколошки услуги и енергетика, металургија, транспорт и логистика.

Претседателот на Стопанската комора Македонија, Бранко Азески, во своето обраќање истакна дека со потпишувањето на Преспанскиот договор размената оди во нагорна линија.

  • „Грција е значаен трговски партнер. Со вредност на извоз од над 280 милиони долари во 2024 година е во топ 5 извозни земји за Северна Македонија. Минатата година, остварена е вкупна трговска размена во вредност од 1,35 милијарди долари, извозот достигна 284,3 милиони долари, а увозот е 1,06 милијарди долари. Тоа доволно зборува дека со потпишувањето на Преспанскиот договор размената оди во нагорна линија и можеме да кажеме дека сме задоволни од тој процес. Во целиот изминат период македонскиот извоз бележи континуиран пораст. Во последните 5 години, со сите осцилации, просечната стапка на раст на извоз во Грција изнесува 7,5%. Македонскиот извоз во Грција е базиран на енергетскиот сектор, секторот на минерални суровини, металургија и метална индустрија, текстил и облека, примарно земјоделски производи, храна и пијалаци. Пристапот до Грчките пристаништа за македонските извозници се главната порта за интернационализација и пристап до глобалните пазари за земјата. Нема друга алтернатива за тоа. Посебно сакам да ја нагласам улогата на Амбасадата на Република Грција, која е во функција на економски партнер, што за нас е особено значајно. Политиката на политичарите, економијата на бизнисмените“, кажа Азески.
Силна поддршка за вакви иницијативи изрази и амбасадорката на Република Грција во Македонија, Н.Е. Софија Филипиду, која порача дека форумот е јасен пример за тоа како две соседни земји можат да ги продлабочуваат своите економски врски во корист на граѓаните и стопанството.
  • „Денешниот бизнис-форум е извонреден пример за тоа како две соседни земји, кои имаат толку многу заедничко, можат да ги развиваат и продлабочуваат економските врски во корист на двете економии. Таквата силна посетеност – повеќе од 60 компании се собраа во оваа сала – е навистина охрабрувачка. Уште повеќе, фактот дека денес се закажани над 200 деловни состаноци во клучни економски сектори, покажува јасен интерес да се премине од дискусија кон конкретна акција. Овие состаноци ќе се одржат меѓу бизниси во клучните сектори на економијата, како што се градежништвото и градежните материјали, енергетиката, фармацевтската индустрија, храната и информатичката технологија. Уверена сум дека вашите дискусии и состаноци ќе бидат продуктивни и ќе дадат опипливи резултати,“ изјави амбасадорката Филипиду.
Пред присутните бизнисмени се обратија и претставници на Атинската комора за трговија и индустрии, Грчката федерација на претпријатијата и Грчката асоцијација на извозници, а беа презентирани најновите можности за инвестирање, извоз и заеднички деловни иницијативи меѓу компаниите од двете земји.

Поврзани теми:

економија|фирми|стопанство|Стопанска комора|Азески|СКМ|Комори|топ|Македонија|Грција|бизнис

Повеќе на оваа тема:

Најнови вести од: Бизнис

Инфлацијата се намалува, девизните резерви растат, а финансискиот систем останува стабилен

Централните банки се соочуваат со еден од најголемите предизвици во последните децении, во услови на зголемена глобална неизвесност предизвикана од пандемијата, геополитичките конфликти, нарушените синџири на снабдување и силниот по раст на цените на енергијата и суровините. Потребата од навремени и одлучни политики за зачувување на ценовната и на финансиската стабилност беше една од главните теми на панел-дискусијата „Трасирање на идниот развој“, одржана во рамки на меѓународниот симпозиум организиран од Банката за меѓународни порамнувања и Народната банка на Кина во Шангај.

Ново поскапување на храната и раст на трошоците за живот – народот нема пари, обвини СДСМ

Од СДСМ посочуваат дека растот на платите не е доволен за да го следи поскапувањето, а дополнителен проблем е и немањето нови мерки од страна на Владата за заштита на стандардот на граѓаните. Според опозицијата, секојдневните трошоци како храната, сметките и превозот стануваат сè поголем товар за семејните буџети. Тие алармираат дека синдикалната потрошувачка кошничка континуирано расте, додека реалната куповна моќ на граѓаните опаѓа.

Ако храната поскапува, Владата најави мерки за граѓаните полесно да го поминат месецот

Будно ја следиме состојбата и се разбира дека разгледуваме мерки што ќе бидат во корист на граѓаните – порача премиерот Христијан Мицкоски одговорајќи на новинарско прашање дали ќе бидат донесени нови економски таргет-мерки имајќи ја предвид стапката на инфлација. Мицкоски појасни дека просечната инфлација е под 4,5 во првите четири месеци и, како што рече, „е една од најниските, ако не и најниска во регионот“.

Ветерниот парк во Штип е инвестиција од 400 милиони евра, најавува премиерот

Расположливиот потенцијал на Црна Река досега е искористен само со изградбата на високата брана „Тиквеш“, а тоа е всушност долниот дел од клисурниот потег на Црна Река. Спротиводните акумулации „Галиште“ и „Чебрен“ имаат исклучиво енергетско значење, со услови за формирање на големи акумулации, (особено акумулацијата „Чебрен“ ) и за израмнување на протечните води на Црна Река, сè со цел нивно целосно искористување.

ММФ со позитивна оценка за македонската економија – раст, стабилност и намален долг

ММФ оценува дека финансискиот систем и натаму е стабилен, а банкарскиот сектор е добро капитализиран и високо ликвиден. Според извештајот, стапката на адекватност на капиталот изнесува 19,4%, значително над регулаторните барања, додека учеството на нефункционалните кредити е намалено на историски најниското ниво од 1,9%. Ликвидноста и профитабилноста на банкарскиот систем и натаму се силни, со што дополнително се потврдува неговата отпорност.

(Фото): Доделени наградите „Предводници на одржливиот развој” на Бизнис форумот за одржливост

Клубот на одговорни бизниси на Конект претставува уникатна платформа што им овозможува на компаниите да работат заедно со граѓанскиот сектор и институциите на заедничко креирање практични решенија на најголемите општествени предизвици. Клубот на одговорни бизниси е поддржан од 36 извршни директори на најактивните компании кои разбираат дека одговорноста и одржливоста е составен дел на бизнисот.

(Видео): Владата ќе направи сé што може да им помогне на бизнисите чие производство е наменето за извоз

Владата ќе даде максимална поддршка за бизнисите чие производство е наменето за извоз, порача премиерот Христијан Мицкоски за време на денешната посета на компанијата „Макпрогрес“ од Виница. Изразувајќи силно импресионирање од развојниот пат на компанијата, Мицкоски истакна дека овој некогаш скромен семеен бизнис денес прераснува во регионален гигант и еден од столбовите на домашната економија.
Сите вести од Бизнис

Најнови вести

To top