Бизнис

Интервју: Инвестицијата во Гевгелија е потврда дека остануваме партнер кој верува во потенцијалот на домашниот пазар

Отворање на новиот, модерен ЏАМБО маркет во рамките на новоотворениот „Gevgelija Mall“ ја позиционира Гевгелија на мапата на современи шопинг дестинации во регионот. За значењето на оваа инвестиција, уникатниот концепт кој комбинира семејно искуство и практичност, како и идните планови, разговараме со Петар Денковски, генерален директор на ВЕРО и Џамбо маркетите во Македонија.

4 минути за читање

Господине Денковски, деновиве Гевгелија е во фокусот на јавноста со отворањето на новиот современ трговски објект, каде е сместен и новиот Џамбо маркет. Што претставува ова отворање за компанијата и како се вклопува во вашата долгорочна стратегија?

  • Ова е навистина значаен момент за нас, бидејќи пишуваме ново поглавје во нашата деловна приказна. Оваа инвестиција доаѓа како природен и логичен след на исклучително успешните приказни кои компанијата веќе ги изгради во Скопје, Тетово, Куманово и Битола. Со маркетот во Гевгелија, не само што го реализираме ветеното пред македонските потрошувачи за континуирано проширување на модерната продажна мрежа низ целата територија, туку и јасно ја потврдуваме својата цврста позиција на сериозен странски инвеститор. Овој стратешки потег е најава за наше многу посилно присуство во југоисточниот регион, каде наскоро планираме да стартуваме и со други инвестиции. Ние цврсто веруваме во потенцијалот на домашниот пазар и преку вакви капитални проекти активно вложуваме во неговиот напредок, правејќи ги нашите долгорочни стратешки планови реалност, вели за Фактор, Петар Денковски, генерален директор на ВЕРО и Џамбо маркетите во Македонија.

– За нас Гевгелија не е само локален центар, таа е економска порта на државата. Нашите планови се вклопија во визијата на инвеститорот на трговскиот центар, затоа што анализите покажаа дека на овој регион му недостасуваше токму ваков тип на организирано шопинг искуство. Влеговме во инвестицијата со двојна цел, првенствено да им понудиме на гевгеличани модерно шопинг искуство, но и да го искористиме потенцијалот на прекуграничната соработка. Очекуваме овој објект да биде привлече локални купувачи во овој регион, посетители од соседна Грција, кои се традиционално лојални на брендот Џамбо, но патниците кои транзитираат низ коридорот 10. Со ова, Џамбо во Гевгелија станува повеќе од продавница – станува регионален шопинг хаб.

Објектот изгледа импресивно и има модерен концепт. Можете ли да ни кажете нешто повеќе за капацитетот и што точно ќе можат да најдат купувачите во него?

– Новиот продажен простор се простира на импресивна површина од 3.000 метри квадратни и е дизајниран и уреден според највисоките стандарди за да понуди врвно шопинг искуство за целото семејство. Посетителите имаат ексклузивен пристап до богат асортиман од над 20.000 артикли, вклучувајќи играчки, декорации, производи за домот и сезонски изненадувања. Концептот доследно го следи нашиот препознатлив идентитет и слоганот „За сѐ што ви треба и не сте знаеле дека ви треба“, но во Гевгелија нудиме и значајна додадена вредност. Како посебна новина, во рамките на маркетот интегриравме и широко препознатлив асортиман од брендот ВЕРО. Оваа стратешка синергија им овозможува на потрошувачите уникатна привилегија – да ги задоволат сите потреби за домаќинството на едно место, штедејќи драгоцено време и уживајќи во квалитетот на двата силни бренда.
  • Сакавме денот на отворањето да прерасне во вистински празник, а декември е месецот кога магијата на Џамбо најмногу доаѓа до израз. Организиравме целодневна семејна атмосфера исполнета со богата забавна програма. Свеченото отворање беше закажано точно на пладне, паралелно со отворањето на самиот трговски центар „Gevgelija Mall“. Посебно внимание посветивме на најмладите, со маскоти, цртање на лице и игри. Сликата од отворањето беше исполнета со насмевки и детски џагор, а посетеноста во овие први денови ги надмина дури и нашите најоптимистички очекувања, што ни покажува дека Гевгелија навистина го чекаше овој бренд.

Во Гевгелија првпат внесовте новина во концептот на Џамбо преку интегрирање на асортиман од ВЕРО во маркетот. За каков концепт станува збор?

  • Токму така, тоа е една од новините на кои сме особено горди. Како посебна иновација, во рамките на маркетот интегриравме и широко препознатлив асортиман од брендот ВЕРО. Оваа стратешка синергија им овозможува на потрошувачите уникатна привилегија да ги задоволат потребите за домаќинството, грицки, пијалаци и основни намирници на едно место, додека пазаруваат за домот или избираат подароци. Идејата е да штедиме драгоцено време на нашите купувачи, нудејќи им го квалитетот на двата силни бренда под еден покрив. Повеќе на порталот Фактор.мк.

Поврзани теми:

избор|бизнис|компанија|Гевгелија|развој|веро|Џамбо

Повеќе на оваа тема:

Најнови вести од: Бизнис

В понеделник седница на ЕСС, ќе се разговара за раст на минималната и сите плати

Зголемување на минималната плата бараат од Сојузот на синдикати на Македонија, а како аргументи ги посочуваат зголемените трошоци на живот. Во анкета спроведена од страна на ССМ во ноември најголем дел од испитаниците се изјансиле дека минималната плата треба да биде 600 евра. 

Избрана банката која ќе ја финансира изградбата на брзата железница од Табановце до Богородица

Изведувачот на работите на брзата пруга ќе се избере преку таканаречен конкурентен дијалог. Овој проект е предвидено да чини околу две милијарди евра и е дел од стратешкиот договор со Велика Британија. Според Николоски, актуелните случувања во Бугарија не би требало да влијаат врз текот на процесот за изградба на пругата од Коридорот 8.

Државните Електрани на Македонија со 97 милиони евра ќе градат фотоволтаична централа

Кредитот од Европската банка за обнова и развој е со рок на отплата од 15 година со вклучен грејс период од 3 години. Каматата и за овој кредит е варијабилна. се состои од шестмесечен ЕУРИБОР зголемен за маргина од 1%. АД ЕСМ – Скопје, ќе и плати на Европската банка за обнова и развој еднократна провизија во висина од 1 % од износот на заемот.

Владата од 1 јануари ќе пресметува просечна потрошувачка кошничка, паралелно со онаа од ССМ

В понеделник ќе заседава Економско-социјалниот совет и повторно ќе одлучува за зголемување на минималната плата. За сега извесно е само дека до крајот на март минималната плата ќе порасне до две илјади денари, како законско усогласување. Синдикатите не отстапуваат од барањето за 30 илјади минималец, но бизнис секторот е на став дека стопанството, посебно трудоинтензивните дејности не се во кондиција да издржат таков финансиски товар.

ЕУ е најголемиот трговски партнер на Македонија со 13,8 милијарди евра трговска размена

Во 2025 година, Македонија стана првата земја од Западен Балкан што доби средства од Планот за раст на ЕУ – 52 милиони од вкупно 750 милиони евра, потврдувајќи дека земјата се движи во насока на реформи, усогласување со европските стандарди и поголем пристап до единствениот европски пазар.

„Триглав осигурување“ организираше инспиративна средба со Светислав Пешиќ

Настанот предизвика голем интерес кај деловната и медиумската заедница, нудејќи ретка можност за директна средба и разговор со говорник, чие искуство и животна филозофија се подеднакво применливи во спортот, деловниот свет и секојдневниот живот
Сите вести од Бизнис

Најнови вести

To top