Македонија располага со резерви од нафта со кои може да покрие просечна потрошувачка во текот на 60 дена, според податоците на Агенцијата за задолжителни нафтени резерви.
Во моментов Македонија има резерви од евродизел во износ од 138,9 милиони литри, бензин Евросупер 95 од 32,1 милиони, екстра лесно масло за домаќинство од 10,8 милиони и мазут од 5,3 милиони тони.
Најголемиот дел од резервите се чуваат во складиштата на компаниите ОКТА, „Макпетрол“, „Лукоил“ и „Супертрејд“, за кои државата им плаќа за услугата, а помал дел во резервоари во државна сопственост.
Европскиот стандард е 90 дена, а Македонија не го исполнува од две причини: првата се парите, а втората просторот кадешто би се чувале резервите нафта, се вели во прилогот на ТВ 21.