Бизнис

Македонија втор трговски партнер на Косово, зад Албанија

Речиси 30 милиони евра е косовскиот извоз во Македонија до ноември од вкупниот извоз од 110 милиони

2 минути за читање

Македонија е втората по големина дестинација за извозот на Косово по Албанија покажуваат податоците на Царинската управа во Приштина за периодот од јануари до ноември 2025 година.

Во првите 11 месеци од минатата година извозот на Косово во Македонија достигнал 29.299.750 евра од вкупниот извоз на земјата од 110 милиони евра, од кој поголем е само тој во Албанија од 38.135.646 евра, а трета е Турција со 9.773.293 евра.

Следуваат Италија со 6.475.230 евра, Бугарија со 5.647.172, Србија со 5.596.684, Црна Гора со 4.620.140, Германија со 4.602.711, Швајцарија со 4.270.647, а топ-10 го заокружува Шведска со 2.063.812 евра.

Најизвезени производи од Косово по количина се безалкохолните пијалоци со 59.454.548 евра, природна негазирана минерална вода со 18.494.324, флашираното пиво со 7.827.529 итн.

Според Косовската агенција за статистика, извозот го покрива увозот за 15,7 отсто. Вредноста на извозот на стоки во ноември 2025 година изнесуваше 87,7 милиони евра, а увозот достигна 557,6 милиони евра.

Во споредба со претходната година, извозот се намали за 9,5 отсто, а увозот се намали за 1,6 отто.

 

Поврзани теми:

КОсово|Царинска управа|Косовска агенција за статистика|Македонија|извоз

Повеќе на оваа тема:

Најнови вести од: Бизнис

Божиновска: Енергетиката посилен и поиновативен сектор со повеќе жени, да се искористи потенцијалот

Енергетската транзиција не е само технолошки процес, туку и длабока трансформација на работната сила, во која жените мора да имаат еднаква и видлива улога, порача денеска министерката за енергетика, рударство и минерални суровини, Сања Божиновска, на настан организиран во рамки на проектот ELeVATE (2025–2028), посветен на охрабрување и поддршка на девојки и жени за развој на кариера во секторите на нето-нула технологии, паметни енергетски системи и зелена транзиција.

Со унгарски пари ќе се гради голема гасна централа во Македонија

Во последната деценија MET Holding стана еден од најголемите играчи на пазарот на гас во Централна и Источна Европа. МЕТ е основана во 2007 година од унгарската државна корпорација за гас „МОЛ“. Тогаш во медиумите се појавија обвинувања дека унгарскиот премиер Виктор Орбан стои лично зад развојот на МЕТ, користејќи раководни лица за пренос на целиот бизнис со гас од државната МОЛ на новата приватна компанија која во меѓувреме презеде удел. Во 2013 година е основана МЕТ Холдинг во Швајцарија, која е во стопроцентна сопственост на унгарскиот МЕТ.

КСС се согласува со владината понуда платите на административците да пораснат за 8% во рок од три години

Конфедерацијата на слободни синдикати уште од првиот момент ја прифати понудата кога таа беше изнесена, без опструкции, без калкулации и без злоупотреба на работниците. Нашиот став беше и останува јасен – секоја реална можност за подобрување на материјалната состојба на вработените треба да се искористи веднаш, велат од КСС.

Владата нуди унифицирана формула за покачување на платите

Владата има своја формула за пресметување на платите на вработените во администрацијата. Најголем дел од претставниците на синдикатите, и репрезентативните и од гранковите, се согласни со таа позиција на Владата, со неколку исклучоци. Формулата што ја нуди Владата во врска со тоа како ќе следи покачувањето на платите на административците етапно ќе значи повисоки примања за нив, а не само за онолку средства колку што ќе расте минималната плата.

Занаетчиите уплашени, ако порасне минималецот ќе мора да ги затворат дуќаните

Растот на минималната плата на 600 евра, иако на прв поглед звучи како чекор кон подобар животен стандард, може да има сериозни последици за занаетчискиот сектор и малите бизниси. Наместо поголема сигурност за работниците, овој потег ризикува да предизвика затворање на дуќани, отпуштања и дополнително осиромашување на локалните заедници, алармира Занаетчиската комора.
Сите вести од Бизнис

Најнови вести

To top