Директорката на Управата за јавни приходи, Елена Петрова, рече дека биле испратени 10.000 покани до граѓаните да го платата данокот на приход остварен во странство. Има и такви покани да се плати овој данок за приход остварен во 2020 година, з ашто денес ќе има и протест во Куманово, но директорката Петрова вели дека тоа не е ретроактивно работење.
- Сакам да кажам дека воопшто не се работи на ретроактивно оданочување. Тоа не е законска одредба која сакаме да ја примениме ретроактивно. Се работи за законска одредба која постоела одсекогаш. Тоа е одкога е донесен Законот за личен доход, а било регулирано и претходно со Законот за персонален доход. И уште поважно, се работи за еден универзален принцип кој што се применува во секоја даночна јурисдикција. Треба да се пријави и оданочи светскиот доход од каде и да е, рече таа.
Додаде дека ако граѓаните веќе еднаш го платиле дсанокот во странство, треба да приложат докази за тоа во УЈП и заради тоа се повикани со персонализирани покани за да докажат
Досега 2.500 граѓани доброволно го платиле данокот и собрани се еден милион евра. Петрова додаде дека тоа е само една четвртина од планираната наплата и дека процесот уште трае, односно дека ќе има нови покани до граѓаните.
- Не е поради тоа што нема пари во буџетот, туку се работи за обезбедување фер и правично оданочување со зафаќање една по една област каде што гледаме дека има ризици по даночна евазија и губење на приходи, изјави Петрова.
Процесот на оданочување е се уште во тек. За овие 2.500 лица пресметаниот данок изнесува скоро еден милион евра, но тие се една четвртина од тие што досега сме ги повикале да го пријават и оданочат својот доход ,потенцира Петрова.