Во Скопје, жена пријавила агресивно однесување од доставувач на мотоцикл, кој се обидел да ја отвори нејзината возачка врата и потоа ѝ го оштетил возилото. Полицијата презема мерки за расчистување на случајот.
Вчера во 18:00 часот во СВР Скопје, 26-годишната Д.З. од Скопје пријавила дека околу 14:30 часот во Центар, додека се движела со своето возило, едно лице кое управувало мотоцикл за достава ѝ се приближило и агресивно се однесувало кон неа.
Потоа лицето почнало да ја следи. Кога застанала на семафор, доставувачот се обидел да ја отвори возачката врата, а откако не успеал, ѝ го оштетил возилото.
Од МВР соопштија дека се преземаат мерки за расчистување на случајот и идентификување на сторителот.