Хроника

Албанец од Македонија казнет во Бугарија со осум години затвор и 25.000 евра за шверц на марихуана

Осудениот е приведен на ГП „Ѓуешево“ во камион во кој биле скриени 320 пакети со канабис вреден 1 милион евра

Окружниот суд во Ќустендил осуди на осум години затвор и на глоба од 50.000 лева (околу 25.000 евра) македонски државјанин од албанска националност што призна вина за шверц на 320 пакети со марихуана со вкупна вредност од два милиона лева (1 милион евра).

Судот ја одобри спогодбата меѓу Обвинителството, одбраната и осудениот.

Обвинетиот Г.Н. на возраст од 34 години призна дека 18 декември 2024 година околу 22:30 часот на граничниот премин „Ѓуешево“ на бугарско-македонската граница, патувајќи со камион и на него прикачена полуприколка, сопственост на фирма од Скопје и управуван од И.М., пренел од Македонија во Бугарија марихуана спакувана во 320 пакети.

Пакетите биле скриени во специјално направени шуплини во хоризонталните странични штици на полуприколката 128 килограми и 580 грама, прецизираат од Судот.

Според документите, камионот со полуприколката превезувал руда за Турција, соопштија тогаш од Агенцијата „Царини“.

Во затворската казна на осуденикот му е пресметано времето поминато во притвор од 19 декември наваму, а треба да ги плати и судските трошоци во износ од 6.121 лева (околу 3.060 евра).

 

Најнови вести од: Хроника

ChatGPT го наговорил младиот Адам да изврши самоубиство(ВИДЕО)

Во трагичен случај што ја вознемири американската јавност, 16-годишниот Адам Рајн од Калифорнија го загуби животот по интеракција со ChatGPT, кој, според тужбата на неговите родители, не само што не го спречил, туку му дал детални упатства за самоубиство

Психијатри ќе утврдуваат дали тројцата „тепачи“ од Кавадарци свесно го усмртиле покојниот

Тројца мажи од Кавадарци се наоѓаат во притвор поради истрага за смртта на 43-годишниот Панче Толов, кој во раните утрински часови на 27 август 2025 година беше претепан до смрт пред казино во градот

To top