Македонски државјанин, баран преку Интерпол со потерница од канцеларијата во Скопје, е меѓу тројцата уапсени од бугарската полиција на плантажа за одгледување марихуана во селото Луково, Општина Своге.
Станува збор за 32-годишен маж фатен на дело заедно со другите двајца во полициска акција на 28 март, во која е утврдено дека е баран од Интерпол-Скопје за кривични дела поврзани со наркотични средства, со мерка апсење со цел екстрадиција.
При претресот кај него е најдена и фалсификувана бугарска лична карта, веројатно користена од уапсениот.
Топј е приведен во својство на обвинет и му е изречен 72-часовен притвор.
Пограничните полицајци од Ќустендил при упадот во два објекта затекнале високотехнолошко наркопроизводство со 96 стебла марихуана, опремено со електрични и клима уреди за сушење и обработка на наркокултурата, соопшти полицијата.