Хроника

Малолетничките и родителите на разговор во полиција по насилството во Аеродром – МВР со детали

МВР и социјалните служби вклучени во случајот во Аеродром

2 минути за читање

Во полициска станица во Скопје извршен е разговор со две малолетнички и нивните родители во врска со случај на насилство врз 12-годишна девојка во општина Аеродром.

Како што информираат од Министерството за внатрешни работи, на 1 јули во 19:30 часот, 31-годишна жена пријавила дека нејзината 12-годишна ќерка била нападната претходната вечер, на 30 јуни околу 22:00 часот, во парк во Аеродром.

Според пријавата, 14-годишна малолетничка, заедно со своја другарка, ја натерала 12-годишната девојка двапати да клекне на колена и да се извинува. Потоа, кога тргнала да си оди, била физички нападната од друга малолетничка. Целиот инцидент бил снимен со мобилен телефон од повеќе присутни малолетници, од кои едниот го познавала жртвата.

Истиот ден во полициска станица бил извршен службен разговор со двете малолетнички во присуство на нивните родители. Јавниот обвинител за малолетници и Меѓуопштинскиот центар за социјална работа се известени за случајот.

Од МВР соопштија дека се преземаат активности за утврдување на идентитетот на останатите инволвирани малолетни лица. По целосното расчистување на случајот, против инволвираните ќе бидат поднесени кривични пријави за кривичните дела „Насилство“ (член 386) и „Запуштање и малтретирање на малолетно лице“ (член 201) од Кривичниот законик.

Во скопски Аеродром девојчиња ѝ удираат шлаканици на врсничка и ја влечат за коса, додека моли за милост, клекната на колена, а други ја снимаат „забавата“! (Видео)

Поврзани теми:

тепачка|аеродром|малолетници|мвр|избор|Скопје

Повеќе на оваа тема:

Најнови вести од: Хроника

Започнува постапката за четирите малолетни насилници од Аеродром: побарана забрана да ѝ се доближуваат на 12-годишната жртва

Јавното обвинителство побара да се поведе постапка против две 14-годишни девојчиња и две момчиња, осомничени за насилство, помагање и неовластено снимање на нападот врз 12-годишно девојче во скопската населба Аеродром. Станува збор за насилниот инцидент на 30 јуни во скопската населба Аеродром, кога 12-годишното девојче беше физички нападнато, а целиот настан беше снимен со мобилен телефон.

Бомба фрлена кон угостителски објект во тетовското село Добарце – двајца повредени

На 08.07.2026 во 01:20 часот во Полициското одделение Групчин, Д.Ф.(51) од с.Добарце, тетовско пријави дека од патничко возило „цитроен“ во движење е фрлена рачна бомба кон неговиот угостителски објект, лоциран покрај локалниот пат во селото.

Поднесено обвинение за „Еуростандард“ банка од Скопје – намерно е втурната во стечај со долг од 27 милиони евра!

Со одобрување кредити на кредитно неспособни и поврзани правни лица, без соодветни анализи и обезбедување, со прикривање на реалната финансиска состојба и ризиците, како и со неточно известување до Народната банка, пријавените придонеле банката да биде доведена во стечај, а доверителите да бидат оштетени со околу 27 милиони евра во денарска противредност. Основното јавно обвинителство за гонење на организиран криминал и корупција до Основниот кривичен суд Скопје поднесе обвинителен акт против три лица кои се товарат дека сториле по едно кривично дело „Предизвикување стечај на банка“, како и обвинителен предлог против едно лице за кривично дело „Несовесно работење во службата“.
Сите вести од Хроника

Најнови вести

To top