Инцидент се случил во Клиничката болница во Тетово, каде 24-годишен жител на село Палатица агресивно реагирал откако му било побарано да изврши уплата за медицинска услуга.
Според информациите од СВР Тетово, Џ.М. на 1 септември околу 19:50 часот го скршил стаклото на приемниот шалтер. При инцидентот тој и двајца вработени во болницата се здобиле со повреди.
По пристигнувањето на полицијата, 24-годишникот физички нападнал и полициски службеник.
Поради сериозноста на повредите, Џ.М. бил пренесен во Комплексот клиники „Мајка Тереза“ во Скопје за натамошна медицинска помош.
На местото бил извршен увид. Од МВР најавуваат дека по целосното документирање на случајот ќе биде поднесена соодветна кривична пријава