Министерството за внатрешни работи на Македонија објавува дека во текот на последните три дена (24, 25 и 26.08.2026), како резултат на редовните патни контроли што ги спроведуваат полициски службеници од сите сектори за внатрешни работи на патиштата во земјата, од вкупно изречени 1.621 казни, 456 прекршоци се однесуваат на возачи кои не го почитувале пропишаното ограничување на брзината.
43 лица се лишени од слобода поради невнимателно возење, од кои две за возење под дејство на алкохол, 20 за возење без возачка дозвола и две поради претходна забрана за возење.
„Во истиот овој период, запленети се 19 возила по член 300-б од Кривичниот законик. Понатаму, според статистичкиот преглед на полициските активности, во последните три дена се евидентирани 385 прекршоци за непрописно паркирање, како и 28 санкции за возење под дејство на алкохол.“
„Од друга страна, во согласност со одредбите од Законот за безбедност на сообраќајот на патиштата, 159 возачи на мотоцикли се санкционирани поради неносење заштитен шлем.
Исто така, санкционирани се 105 учесници во сообраќајот кои не ги користеле безбедносните појаси.
17 возила се отстранети од сообраќај бидејќи биле нерегистрирани, додека седум поради технички неправилности.
Четири возачи се казнети и поради неисполнување на пропишаните услови во врска со затемнување на стаклата на возилата (фолии).“
„Проверките на патиштата ќе продолжат и во наредните денови. Апелираме до сите учесници во сообраќајот да ги почитуваат сообраќајните правила и прописи и заедно да придонесат за побезбедни патишта“, велат од Министерството за внатрешни работи.