Хроника

Скопјанец пукал кон полицајци и се обидел да избега

Од МВР информираат дека по целосно документирање на случајот против него ќе биде поднесен соодветен кривичен поднесок.

1 минута за читање

46-годишен жител на Скопје е приведен откако за време на полициска контрола извадил пиштол, испукал куршум кон полициските службеници и потоа се обидел да побегне.

Инцидентот се случил синоќа околу 1:20 часот на подрачјето на Гази Баба.

Според соопштението на Министерството за внатрешни работи, полициските службеници од СВР Скопје при обид да го легитимираат А.П. (46), тој извадил пиштол и испукал еден куршум кон нив. По пукањето, осомничениот се дал во бегство.

По преземени оперативни мерки и брзи активности, полицијата успешно го пронашла и го привела.

Од МВР информираат дека по целосно документирање на случајот против него ќе биде поднесен соодветен кривичен поднесок.

Поврзани теми:

актуелно|Скопје|полиција|пукање|Гази Баба

Повеќе на оваа тема:

Најнови вести од: Хроника

Јанев по полициската операција во Прилеп: Митот за „недопирливите“ падна, повеќе не може никој да се крие зад „врски“!

По големата полициска операција, спроведена пред два дена во која беше сузбиена организирана криминална група, вмешана во недозволена трговија со дрога и економски криминал, директорот на Бирото за јавна безбедност Александар Јанев денеска го посети Одделението за внатрешни работи во Прилеп.

Дејан Јованов доби 30-дневен притвор за случајот „Пулс“, сега за поткуп

Судија на претходна постапка при Основниот кривичен суд Скопје определи притвор во траење од 30 дена за Дејан Јованов од Кочани. Тој постапуваше по предлогот за тоа Јавниот обвинител од Јавното обвинителство за гонење на организиран криминал и корупција.

Директорот во „Државна лотарија“ Владо Петковски на судењето негираше сознанија за влијание на Груби врз одлуките на Бајрами

Со вкрстено испитување на сведокот Владо Петковски, директор на Секторот за игри на среќа во АД „Државна лотарија“, денеска во Основниот кривичен суд Скопје продолжи судењето за предметот „Државна лотарија“, откако претходно тој беше директно испитан од обвинителството.

Тошковски: Разбиена сериозна криминална група, дел од неа дејствувал над 15 години во Македонија и во земји од ЕУ!

Министерот за внатрешни работи Панче Тошковски во гостување во Радио Лидер соопшти детали за големата полициска акција, која вчера беше спроведена во Прилеп. Тој посочи дека е разбиена многу сериозна организирана криминална група, на која Министерството за внатрешни работи, во координација со Јавното обвинителство и со странски партнерски служби, работело повеќе од една година.  „Значителен дел од таа организирана криминална група повеќе од 15-тина години го правела тоа што го правела и биле недопирливи за органите на прогон.“ – истакна Тошковски.
Сите вести од Хроника

Најнови вести

To top