Хроника

Тетовец починал на плажа во Албанија, Брза помош дошла по повеќе од еден час!

Присутните двапати го враќале во живот 41-годишниот маж, кој не страдал од никаква хронична болест

1 минута за читање

Агрон Салиу (41), вработен во Основниот суд во Тетово, вчера ненадејно почина на плажата Шкемби во Каваја кај Драч, каде што бил на одмор со своето семејство.

Неговото семејство и пријателите биле шокирани, бидејќи починатиот не страдал од никаква хронична болест.

„Жителите и туристите присутни на местото на настанот го враќале во живот двапати, сè додека не пристигнала Брзата помош“, известуваат сведоци за албанските медиуми.

Косовскиот весник „Експрес“ објави дека Брзата помош пристигнала по повеќе од еден час, кога било предоцна за животот на Агрон, кој зад себе остави сопруга и две ќерки.

Поврзани теми:

албанија|тетовец|Каваја|плажа|Брза помош

Повеќе на оваа тема:

Најнови вести од: Хроника

Гевгелискиот суд пресуди 18 години затвор за дојранецот, кој го претепа до смрт својот пријател

Основниот суд во Гевгелија му изрече казна затвор од 18 години на 56-годишниот Васил Режак од дојранското село Сретеново, кој беше прогласен за виновен за кривичното дело „убиство на свиреп начин“. Станува збор за првостепена пресуда, а обвинетиот ќе остане во притвор до нејзината правосилност.

По невремето во скопски Карпош покрај повредената жена (86) пронајдена и експлозивна направа!

МВР информира дека синоќа во 20:25 часот во СВР Скопје било пријавено дека на подрачјето на Карпош паднало дрво и со тешка телесна повреда се здобила К.М.(86) од Скопје, по што била пренесена во Јавна здравствена установа „Св.Наум Охридски” за укажување на лекарска помош.

Обвинителството: Отворена истрага за загадувањето на водата во Гостивар, побаран притвор за тројца осомничени

За трите лица вработени на одговорни функции во ЈП „Комуналец“, осомничени за загадување на водата во гостиварскиот водовод, ќе се бара притвор, а во зависност од новите докази, истрагата ќе се прошири. Пред судијата на претходна постапка осомничените од 12 часот даваат искази по што ќе биде познато дали ќе им бидат определени мерки за обезбедување.

Во туѓо име подигнувал надомест за невработени

Надворешната канцеларија за криминалистички работи Делчево поднесе кривична пријава против Ј.К.(52) од Саса,  Македонска Каменица, поради постоење основани сомнежи за сторено кривично дело „измама при добивање кредит или друга погодност” и против Б.К.(57) од Кочани за „поттикнување” во врска со „измама при добивање кредит или друга погодност”.

Жител (40) од Пробиштип подолго време им се заканувал на три жени и со употреба на електрошокови им изнудил 1800 евра!

Надворешната канцеларија за криминалистички работи Пробиштип поднесе кривична пријава против 40-годишен жител на Пробиштип, поради сомнение дека сторил кривично дело „изнуда“, соопшти Министерството за внатрешни работи.
Сите вести од Хроника

Најнови вести

To top