Македонија

2.000 тони жито исчезнале од државните резерви – ОЈО бара мерки на претпазливост за осомничените

МВР поднесе кривична, ОЈО отвара истрага

2 минути за читање

2 илјади тони пченица и јачмен „испареле“ од државните стокови резерви. За време на корона кризата во 2019-2021- та година, незаконски биле отпишани околу 1.500.000 килограми меркантилна пченица и 500.000 килограми јачмен, од државните стокови резерви, а направената штета се проценува на околу 780 илјади евра.

Вкупно петорица ја злоупотребиле службената положба со неизвршување, а меѓу осомничените е и екс-заменик министерот за земјоделство Трајан Димковски.

Иако биле должни да ја известат Владата дека има неоснован кусок на меркантилна пченица и јачмен во Јавно претпријатие „Агро берза“, тие доставиле неточни податоци и информации. Со ова дејствие лицата постапиле спротивно на Законот за стоковните резерви.

„..Лицата делото го сториле така што Н.Р., Р.А., Т.К. и Т.Д. во својство на овластени лица ја злоупотребиле својата службена должност со неизвршување на својата службена положба на начин што иако биле должни да ја известат Владата за фактичката состојба во Јавно претпријатие за берзанско работење „Агро берза“ Скопје, односно дека е настанат неоснован кусок на меркантилна пченица и јачмен (период од 2019-2021 година), истите доставиле неточни податоци и информации“ стои во кривичната пријава од МВР.

Надворешен соработник кој бил ангажиран како вешто лице преку Бирото за процена изготвил наод во кој внел невистинити податоци, не земајќи ги предвид сите податоци и реалната состојба.

„Вештиот наод бил приложен кон информацијата до Влада и истата била прифатена од страна на Владата, при што Агенцијата за стоковни резерви Скопје била задолжена да изврши отпис на 1.500 тони меркантилна пченица и 500 тони јачмен за сточна храна, во вкупна вредност од 29.112.000 денари или 473.365 евра (во моментот на отписот по цените кои се набавувала пченицата и јачменот во 2022 година, вредноста на истата изнесувала 48.000.000 денари или 780.487 евра), која вредност преставува штета на Буџетот на Македонија“ велат од ОЈО.

Според информациите, покрај Димковски и вештакот, осомничени се и директорот на Агенцијата за стокови резерви како и двајца раководители во истата Агенција.

Осомничените ќе бидат изведени пред судија на претходна постапка, а обвинителството бара определување мерки на претпазливост – одземање на патна исправа и јавување во суд за сите осомничени.

Поврзани теми:

мвр|актуелно|стокови резерви|истрага|ОЈО|директор|заменик министер|Трајан Димковски

Повеќе на оваа тема:

Најнови вести од: Македонија

В понеделник ќе се знае изведувачот на Универзална сала, која со години го нагрдува просторот

В понеделник ќе биде донесена одлуката за изведувач на Универзална сала, но ќе мора да се причека рокот од осум дена за поднесување жалба, рече вчера министерот за култура и туризам, Зоран Љутков. Тој нагласи дека едната постапка е завршена, а втората е во фаза на евалуација.

Димитриеска Кочоска: Јавниот долг од 59,6% од БДП е знак за стабилни јавни финансии

Јавниот долг на Република Македонија заклучно со 31 декември 2025 година изнесува 10,064.1 милиони евра односно 59,6 проценти од Бруто домашниот производ (БДП) – објави денеска Министерството за финансии.

Мицкоски: Обезбедени пари за 150 електрични автобуси, за Скопје 100 – многу ќе се намали аерозагаденоста

На владина седница донесовме одлука, во рамки на влада со влада договорот кој го имаме со Унгарија. Дел ќе биде кредит од исти услови како претходниот, три години грејс период , дополнителни 12 години отплата со истата каматна стапка, истакна премиерот Христијан Мицкоски одговарајќи на новинарско прашање за набавката на новите 150 електрични автобуси.

Премиерот Мицкоски за проблемот на превозниците: Имавме дипломатска офанзива, постојат неколку можни решенија

Премиерот Христијан Мицкоски во одговор на новинарско прашање дали очекува надминување на проблемост со транспортерите идната недела на закажаниот состанок во Брисел со министрите од шесте земји од Западен Балкан, рече дека е важно што имало заедничка дипломатска офанзива со земјите од регионот и оти проблемот е препознаен од страна на ЕУ. – Овој проблеми […]

Јаневска: Наставниците ќе добијат 7,5 проценти зголемување со мартовската плата

Предлог-законот за високото образование в понеделник ќе биде поставен на националниот регистар на прописи (ЕНЕР) за дискусија и давање предлози и сугестии. Тој е еден од пакетот три поврзани закони – покрај него, на ЕНЕР се очекува да бидат поставени и Законот за квалитет во високото образование и Законот за научно-истражувачка дејност.

Поднесено обвинение против четворица началници и девет полицајци за пожарот во Кочани

Имајќи предвид дека надлежноста на специјализираното одделение е воспоставена од 07.11.2018 година, од Обвинителството посочуваат дека, предмет на кривично-правна оценка во оваа постапка беа само дејствијата преземени од 2019 до 2022 година, додека за останатите предметот е испратен на надлежно постапување во ОЈО Кочани.

Алијансата за Албанците на Таравари го оспори „Безбеден град“ пред Уставниот суд: „Не бил правичен и не важел еднакво за сите“!

Крилото на Алијансата за Албанците на Арбен Таравари поднесе иницијатива до Уставниот суд за оспорување на законските решенија што се дел од проектот „Безбеден град“. Абидин Абдули, адвокат ангажиран од Алијансата за Албанците, изјави: „Како што најавија нашите пратеници од собраниската говорница, законите од пакетот ‘Безбеден град’ ќе бидат оспорени пред Уставниот суд на денот на нивното стапување во сила. Овие иницијативи ги поднесовме, за да важи секој закон за сите граѓани, на целата територија на Република Македонија“, се вели во соопштението на Алијансата за Албанците на Таравари
Сите вести од Македонија

Најнови вести

To top