Ахмети тврди дека ДУИ и НАИ се „победници во првиот круг на локалните избори“ и пак бара предвремени парламентарни избори

Лидерот на ДУИ Али Ахмети ја нарече коалицијата Вреди „Здружение Газиместан“, асоцирајќи дека била, според него „губитничка политиката“ на Вреди, како што била и политиката на поранешниот српски претседател Слободан Милошевиќ, познат по неговиот говор на Газиместан во Косово во 90-тите години од минатиот век. Но, Али Ахмети со својот „триумфалистички настап“ денес само ги игнорираше многубројните оценки на независни политички аналитичари не само од Македонија, туку и од сиот Балкан, дека оној, што претрпел пораз и тоа „историски“ е токму тој, со укажувања дека и навистина треба да се повлече од политиката.

24. октомври 2025. — 15:09 2 минути за читање

Лидерот на ДУИ Али Ахмети во своето прво појавување по изборите на 19 октомври, ја нарече коалицијата Вреди „Здружение Газиместан“, за кое рече дека губитникот се прикажува како победник, пишува Алсат.

„Националната алијанса за интеграција (НАИ) на овие избори освои 114.760 гласови со вкупно 159 советници. Здружението Газиместан, Вреди, освои 91.849 со вкупно 122 советници. Дали се прави победник со 114.760 гласови, или со 91.849 гласови? Тие се големи губитници, а секој ден тврдат дека ги добиле изборите, не само овие избори, туку и оние што ги оставивме зад себе.“ -рече Ахмети, повторувајќи го барањето на НАИ и на ДУИ за одржување предвремени парламентарни избори.

„Ние сме посветени на европска Македонија и добри меѓуетнички односи, нула проблеми со соседите, ние сме посветени да обезбедиме подобра иднина за генерациите што доаѓаат“, рече Ахмети.

Претходно, исто така денес, потпретседателот на ДУИ Арбер Адеми ги отфрли тврдењата дека лидерот на партијата Али Ахмети, ќе се повлече од политиката по локалните избори. Тој ги опиша овие објави како „дезинформации насочени кон демотивирање на гласачите пред вториот круг од изборите на 2 ноември“.

„Пензионирањето на Али Ахмети воопшто не се разгледува. Напротив, ДУИ е победничка партија – добивме 23.000 гласови повеќе од Вреди и го зголемивме бројот на советници на 120.“ – изјави Адеми.

Поврзани теми:

ВРЕДИ|ДУИ|али ахмети|Национална алијанса за интеграција|локални избори 2025

Најнови вести од: Македонија

Македонските домаќинства спаднаа на три члена

Според податоците од Пописот 2021, просечниот број на членови по домаќинство изнесува 3.07, а над една четвртина од домакинствата се со 2 члена

пред 26 мин.

Уште 10 дена за аплицирање за студентски ваучери

Досега се доделени вкупно 42.606 ваучери, од кои се искористени 27.426

пред 58 мин.

Таравари: Поддршка за лидерите на УЧК на кои им се суди во Хаг

Ги повикува сите Албанци масовно да се приклучат на протестот што ќе се одржи на 13 декември, на плоштадот „Скендербег“ во Скопјe

пред 2 часа

Претседателката одликуваше американски генерал кој 3 децении работи на зајакнување на АРМ

Државната награда не е само израз на благодарност за неговата неуморна и вредна работа, туку и на нашата почит кон вредностите коишто тој ги персонифицира

пред 11 часа

Петрушевски: Владата нема да прифати ниеден илегален мигрант, ниту постои план за изградба на шатори, кампови или центри

„Идеолошка профилација на ВМРО-ДПМНЕ како политичка партија е дека апсолутно сме за борба против илегалната миграција, а не за либерализација на мигрантите, нешто што било својствено за одредени политички партии. Ние апсолутно немаме никаква намера да прифатиме никакви илегални мигранти. Апсолутно е лага дека ќе се градат било какви шатори, кампови, центри. Ова прашање е регулирано и во Договорот за стратегиско партнерство со Велика Британија.“ – нагласи пратеникот од ВМРО ДПМНЕ Бране Петрушевски во вечерашното гостување во емисијата „Топ тема“ на ТВ Телма.

пред 12 часа

Од следната година летови од Бодрум до Скопје и Сараево

Од следната година, според пишувањата на порталот „Екс ју авиејшн“, би требало да стартуваат сезонските линии од Бордум до Скопје и Сараево со нискобуџетската авиокомпанја „Изиџет“.

пред 14 часа