Првиот човек на Дирекцијата за заштита и спасување и претседател на Партијата за достоинство, Стојанче Ангелов, вели дека има проамерикански ставови за ситуацијата на Блискиот Исток и верува дека Американците имаат добри причини за нападите врз Иран.
Ангелов го оправдува американскиот напад затоа што, како што вели, Иран е управуван од суров режим кој ги казнува своите граѓани и режим кој обезбедил сериозна количина ракети, како и подготовка на нуклеарно оружје.
„Замислете кога влада како иранската би имала на располагање нуклеарно оружје? Каква би била безбедноста на светот? Целосно го оправдувам нападот на САД заедно со Израел, а времето ќе покаже што постигнал Иран од своето вооружување.
Досега бевме изненадени од отпорот на Иран, за тоа сведочи и фактот дека тие погодија остров оддалечен 4.000 километри со ракети со долг дострел“, рече Ангелов во емисијата „Аргумент Плус“.
Тој уверува дека Македонија во моментов не е засегната од воена закана, со оглед на тоа што НАТО не е вклучен во целата ситуација.