Согласно доставен допис expres.mk објавува барање за извинување и објава на демант од Мира Гакина Ивановска екс директорка на Музејот на современа уметност која на 15 Мај 2021 година организирала настан на кој се промовирале дела на убиецот на Росица и нејзиниот татко од страна на Илија Стефановски.
,,Како полномошник на Мира Гакина Ивановска, во прилог доставувам Барање за извинување и објавување на демант, во врска со објавениот текст на веб порталот expres.mk, на ден 18.09.2025 година, со наслов: „Убиецот на Росица бил промовиран од Музејот на современа уметност Скопје“, пишува во барањето адвокатот Александра Гавриловска.
Согласно законот expres.mk го објавува барањето со приложениот текст и ѝ се извинува на Мира Гакина Ивановска за нанесената штета на честа и угледот.
Во демантот се вели дека екс директорката не била информирана за насилната страна на човекот кому му дозволила да промовира свои дела во објектот на МСУ.
Екс директорката преку нејзината адвокатка вели дека пред промоција на делата на убиецот Стефановски немало пријави ниту јавно предупредување за неговото насилство кон девојки.
Според демантот директорката немала обврска да се занимава со карактерот и приватниот живот на Стефановски кој според текстот дотогаш функционирал нормално во сите сегменти на општественото живеење.
Во текстот се вели дека и доколку знаела за обвинение за насилството на убиецот тоа не било доволно да не се промовираат негови дела затоа што со институтот Презумпција на невиност секој човек кој не е правосилно осуден може да учествува во јавниот живот.
Според оштетената, невистинита е и информацијата дека уметнички кругови блиски на МСУ имале инфорамции за насилството на Стефановски.
На крајот во демантот се тврди дека не е точна ниту информацијата дека Гакина на позицијата директорка на МСУ била поставена како кадар на СДСМ. Според демантот Гакина Ивановска која беше поставен за директорка од тогашниот министер за култура од СДСМ не била избрана како партиски кадар туку на јавен конкурс.
Во продолжение согласно законот барањето го објавуваме во целост на соодветен начин како што беше објавен и споменатиот текст.
