Пратеникот на СДСМ, Фатмир Битиќи, е загрижен дека Македонија ќе остане со помалку од еден милион жители до средината на векот ако не влезе во Европската Унија до 2030 година.
„Ние многу брзо ќе дојдеме во ситуација и мислам дека Владата го знае тоа и се обидува преку дискусии за демографијата, и има демографска проекција, до 2050 година ако не се преземат одредени чекори, ако не се случи претпоставката да се зачлениме до ЕУ до 2030, ако не се отвориме кон други заедници кои ќе мигрираат кај нас, ако не се случи до 2040 година да почне бран на враќање на наши иселеници, ние во 2050 година, најпесимистичкото сценарио е дека ние ќе бидеме под 1 милион луѓе“, изјави поранешниот вицепремиер за економски прашања.