Британскиот амбасадор во Скопје потврдил дека во Македонија нема да дојдат азиланти од Велика Британија, открива во изјава за медиумите претседателката Гордана Сиљановска-Давкова.
Запрашана за прашањето кое е актуелно деновиве претседателката откри дека кога Македонија и Велика Британија го потпишувале договорот за стратешко партнерство британскиот амбасадор во Скопје Метју Лосон изјавил за домашните медиуми дека во планот нема доаѓање на мигранти од Велика Британија во Македонија.
Сиљановска Давкова вели дека генерално е против таков план затоа што ако лицата кои ги протерува Лондон се опасни за британскиот безбедносен систем тие ќе бидат проблем и за Македонија и затоа не доаѓа предвид нивни прием во Македонија.
Таа не гледа причина за поднесување на најавената резолуција од страна на СДСМ на оваа тема затоа што нема такво сценарио и апелира јавноста да не верува во се што пишуваат дел од медиумите.