Македонија

Утре е Велика Сабота – ако го испочитувате овој обичај, сè ќе тргне на подобро

Кога е во прашање овој ден, многу православни верници се во недоумица дали се пости или не. Иако саботата важи за ден кога по правило не се пости строго (туку на масло), свештениците велат дека на Велика сабота треба да се пости исто како и на Велики петок (на вода). На Велика сабота не е добро да се оди во лов и риболов, а се забранува и колење на стока и живина.

3 минути за читање

Утре е Велика сабота, вториот ден на голема жалост и последен ден од Велигденскиот пост. Според верувањата, Исус Христос овој ден го поминал во Адот (подземјето), па затоа се одбележува во тишина и молитва. Православната црква верува дека Исус Христос тој ден во гробот бил само со телото, а со духот бил во Адот, односно дека во исто време бил на престолот со Отецот и Духот, со оглед на тоа што Тој е сеприсутниот Бог, неодвоив од другите две лица на Светата Троица. На тој ден Исус покажал дека дошол крајот на стариот век, кој бил обележан со празнување на саботниот ден, и започнал новиот век во кој се празнува денот на Неговото Воскресение.

Богослужба на Велика Сабота

Утрената богослужба на Велика сабота во поново време не се служи рано наутро, туку на Велики петок навечер. Пред симболичниот Христов гроб, со кадење и држење свеќи, се врши приказ на Христовиот погреб. Со читање на целиот 118/119 Псалм се пеат стихови во кои се слави умрениот Спасител како Воскресение и Живот и се изразува болката, жалоста и тагата на Пресвета Богородица.

Во канонот на Велика Сабота се слави победата на Христос над смртта и за првпат се дознава дека оваа благословена сабота, во која Спасителот лежи мртов, е преблагословена сабота. Во неа Спасителот заспал, со Неговото ветување дека ќе воскресне во третиот ден. При крајот на утрената, Плаштеницата се носи трипати околу храмот, а по повторното полагање во гробот, пред неа се чита пророштвото на Езекиил за воскреснувањето на мртвите (Ез 37,1-14), Апостолот и Евангелието. Со Великасаботната Литургија на Свети Василиј Велики започнува Воскресението.

Народот во храмовите одговара со молитва на хорското пеење на ангелите и со запалени свеќи го исчекува Воскресението, празникот на победата на животот над смртта, кој е основа на христијанската вера. Овој обред се почитува во сите православни храмови, а во Ерусалим сите настани се врзуваат за Црквата на Гробот Господов, каде верниците секоја година на Велика сабота присуствуваат на чудотворната појава на Благодатниот оган. Утре е и последниот ден од Велигденскиот пост.

Обичаи на Велика Сабота

Велика Сабота е денот пред Велигден во кој се завршуваат работите неопходни за пречек на големиот празник. Се подготвува храна, се украсува домот, а во некои делови (како и кај нас) се вапсуваат јајца ако тоа не е направено во четвртокот или петокот. На Велика сабота се прекинуваат работите на поле, а жените се воздржуваат од рачна работа. Се верува и дека на Велика сабота треба да се направи некое добро или милосрдно дело за „да му тргне“ на човекот.

Пост на Велика сабота

Кога е во прашање овој ден, многу православни верници се во недоумица дали се пости или не. Иако саботата важи за ден кога по правило не се пости строго (туку на масло), свештениците велат дека на Велика сабота треба да се пости исто како и на Велики петок (на вода). На Велика сабота не е добро да се оди во лов и риболов, а се забранува и колење на стока и живина.

Поврзани теми:

топ|празник|литургија|христијанство|Велигденски ручек|Велика Сабота

Повеќе на оваа тема:

Најнови вести од: Македонија

„СДК“: На „Маркова нога“ ќе се обнови спомен-плочата за седумте младинци од Лерин, ѕверски убиени на 17.1.1944 од бугарскиот фашистички окупатор

„На седумте младинци борци од Лерин, ѕверски убиени на 17 јануари 1944 година од бугарскиот фашистички окупатор“, пишува на спомен-плочата на граничниот премин Маркова Нога. Повторното отворање на граничниот премин Маркова Нога во Преспа ќе нема само политичко, и економско начење. Преминот ќе биде и место за историско сеќавање бидејќи непосредно до него, на македонската страна, се наоѓа спомен-плочата за седумте младинци од Лерин кои беа измачувани и убиени од фашистичките сили за време на Втората светска војна, објави информативниот портал „СДК“.

Монах Амвросиј: Свети Наум ја градеше душата на древниот македонски народ, кој стои со својот идентитет во темелите на европската цивилизација! (2)

„Во тишината на бреговите на Охридското Езеро манастирот ‘Свети Наум’ со векови ја чува духовната светлина на македонскиот народ.  За да ја разбереме духовната мисија на манастирот ‘Свети Наум’ денес мораме да погледнеме во длабочината на нашиот историски и духовен континуитет. Кога Свети Наум го основал овој манастир во 905 година на брегот на Охридското Езеро, тој не градел само ѕидови, туку ја градел душата на еден народ. Ова свето место не е само нем споменик од минатото, туку жива лулка, во која пулсираат македонскиот идентитет и нашата национална меморија. Манастирот ‘Свети Наум’ е жива историска енциклопедија, во која е впишан целиот македонски национален и духовен код. Овде не се вкрстувале само патиштата на обичните луѓе, туку овде се кршеле копјата на најголемите империи, а манастирот секогаш останувал исправен како светилник на нашата самобитност. Затоа, манастирот ‘Свети Наум’ не е само историја. Тој е жив доказ дека еден народ, што го изградил својот идентитет врз писменост, вера и манастирска непокорност, никогаш не може да биде избришан од мапата на светот!“ – нагласува во интервју за „Нова Македонија“ монахот Амвросиј, жител на ова свето место и моментно студент на Московската духовна академија.

Мицкоски: Очекувам во јунскиот извештај на ЕУ да бидеме најдобри исто како во декемврискиот, има уште време за разговори со опозицијата за изборниот закон

Премиерот Христијан Мицкоски денеска повтори дека очекува во јунскиот извештај на ЕУ да бидеме најдобри исто како и во декемврискиот. Тој уште еднаш повика на разговори со опозицијата за Изборниот законик, за што кажа дека се уште има шанса да биде донесен и да биде исполнет и десетиот чекор од зададениот грејс период.

Денес се одбележуваат великото дело и личноста на Свети Наум Охридски, еден од основоположниците на македонската и сесловенската писменост (1)

Денес Македонската православна црква – Охридска Архиепископија и сиот македонски народ, не само оние, кои се православни христијански верници, го одбележуваат црковно-народниот празник, посветен на личноста и великото дело на Свети Наум Охридски – Чудотворец, еден од основоположниците на македонската и сесловенската писменост и просвета, заедно со светите браќа Кирил и Методиј, како и со Св. Климент. Свети Наум Охридски останува запаметен како исцелител и просветител на македонскиот народ, но како и заштитник на манастирот „Св. Наум“ во Охрид. Охридската книжевна школа, како најстара средновековна македонска книжевна школа, е формирана во 886 година од Свети Климент Охридски. Во 893 година на Климент му се придружува Свети Наум Охридски, откако Климент е назначен како епископ. Во рамките на Охридската книжевна школа биле обучени повеќе од 3.500 ученици и таа одиграла клучна улога во описменувањето, како и во ширењето на македонската и словенската писменост и култура.
Сите вести од Македонија

Најнови вести

To top