Бугарската фондација „Македонија” која ја предводи Виктор Стојанов кој пак има забрана за влез во Македонија, објави дека го поддржува независниот кандидат за градоначалник на Струмица, Сраган Котуровиќ. На својот ФБ профил објавија и интервју со кандидатот за градоначалник:
„Ја искажуваме нашата поддршка за бугарскиот државјанин и Бугарин од Струмица, Драган Котуровиќ, за градоначалник на Струмица на претстојните локални избори на 19 октомври,” пишува во објавата.
Интервју со Драган Котуровиќ – независен кандидат за градоначалник на Струмица
Мојата цел зошто сакам да станам градоначалник: многу години гледам како се краде, се истите и пак истите, криминал невиден, градот запоставен, народот исфрлен како на улица и многу уште некои работи. Најважно е што сакам да станам градоначалник – да го сопрам криминалот, да се обрне внимание каде се трошат парите, кој краде, да извадам сè на виделина и да помагаме на луѓето, да сме со луѓето, не да седиме по канцеларии. Да обрнеме внимание на селата – дали некогаш некој отишол да види на тие селани како им е, дали фали нешто. Не само да се седне на фотеља и ќе чекаме избори да повторно пак не видат. И многу уште има што треба да се средува за градот и селата. Најбитно ми е да ги тргнеме арамиите, бандитите од Собранието на Струмица. Европска Струмица, одиме најјако за Струмица и селата.
Бугарска фондација во земјава праќа книги за царот окупатор на Македонија – Expres
И да направиме една ревизија за 24 години – кој крадел, што крадел, што направил. Тоа е прво и основно, па потоа да почнеме со работа, домаќинска работа, а не како до сега со бандити. Апази, арами! Доста е веќе, има многу. Но со Господ напред, народот нека одлучи што сака – чесен татко или арамија на градот, објави Фондација Македонија на својот фб профил.