Според Калојан Методиев, политолог и поранешен пратеник во Народното собрание на Бугарија, српската турбофолкерка Светлана Ражнатовиќ обезбедила место во бугарската историја со нагрнувањето со бугарското знаме на концертот во Велес, прекинат поради жестоката реакција на публиката.
„Во Македонија постои жестока омраза кон сè што е бугарско. Патолошка. Необјаснива и злобна. Го прекинаа концертот на српската фолк ѕвезда Цеца Величковиќ и брутално ја исвиркаа затоа што се завитка во бугарското знаме. Една забелешка: со ова си заработи место во бугарската историја.
Соседи сме со Турците, се сложуваме со Грците, се движиме заедно со Романците во Европската унија, блиски сме со Србите на човечко ниво. Односите со Македонија се катастрофа.
Дури и како професор, а потоа и како пратеник во парламентот, предупредував за тоа што доаѓа по балканската вертикала. За оската Будимпешта – Белград – Скопје. За антибугарската природа на трите владејачки режими. За омразата кон нас и обидите да нè искористат.
И ние сме виновни. Особено политичката елита. Исто така и малата група во политиката и дипломатијата што ја узурпира темата. И екстремните либерали, за кои ништо од ова не е важно. Затоа стигнавме до тука: исвиркувања, навреди, нè нарекуваат Татари и нелуѓе. Ни треба преиспитување и сосема нов пристап кон нашиот мал сосед. Ресоцијализација на цела политичка генерација таму, која нè сатанизира до степен на безбожност“, коментира Методиев.