Бугарскиот професионален боксер Тервел Пулев им се приклучи на сладострасните коментари во Бугарија, кадешто од српската турбофолкерка Светлана Ражнатовиќ-Цеца направија хероина по скандалот со бугарското знаме што го нагрна на неодамнешниот концерт во Велес.
„Новата професорка по историја на универзитетот во Скопје“, прокомeнтира на социјалните мрежи освојувачот на бронзен медал на Олимписките игри 2012 во Лондон, европски вицешампион од Москва 2011 и од Анкара 2012, „бронзен“ од ЕП 2015 во Самоков, ВБА-шампион до 90 килограми и помлад брат на многу попознатиот боксерски шампион Кубрат Пулев.
Браќата Тервел и Кубрат ги носат имињата на бугарските ханови – првиот владеел во 8. век, а вториот во 7. век.