Дали повеќекратниот екс министер за здравство Арбен Таравари е најголемиот губитник на локалните избори?
Таравари кој беше министер и во владата на Зоран Заев и во владата на Христијан Мицкоски на локалните избори се уште не освои ниту едно градоначалничко место со тоа лидерот на едно од трите крила во Алијансата на Албанците се квалификува за еден од најголемите ,,лузери” или губитници на овие избори.
Таравари беше дел од владата на Мицкоски како дел од ВЛЕН по што од ДУИ доби понуда да оди со нив но по трансферот не успеа да добие ниту една општина.
Таравари имаше свој кандидати во Сарај и Теарце каде загуби од ВЛЕН а во Врапчиште и Гостивар неговите кандидати водат но поради немање на цензус изборите не успеаја.
Од коалицијата ВЛЕН денеска реагираат за неуспехот на локалните избори во општините Гостивар и Врапчиште, каде што не е исполнет цензусот, посочувајќи дека тоа е јасен одговор на политичките акробации што со месеци се прават во име на Албанците, но за лични интереси.
„Нереализирањето на цензусот во општините Гостивар и Врапчиште е најјасниот одговор на политичките акробации што со месеци се правеа во име на Албанците, но за лични интереси“,се вели во соопштението од ВЛЕН. Според коалицијата, ова е порака, пред сè, до нивниот поранешен коалициски партнер Арбен Таравари, кој, како што велат, „погрешно проценил дека гласачите ќе ги следат во менување на принципите како ситни пари“.
Од ВЛЕН сега се ситат со пораката дека „Таравари отиде за шест општини, остана со четири и заврши со нула“.