Во претпладне облеано во сонце на воениот дел од Меѓународниот аеродром – Скопје во касарната „Страшо Пинџур“ Дедо Мраз“ пристигна да ги израдува најмалите.
Дедо Мраз дојде со армиски транспортен хеликоптер од составот на воздухопловниот ВИНГ и израдува стотици деца кои со нетрпение го очекуваа овој настан.
По краткиот прелет со транспортен воен хеликоптер од составот на вВИНГ, армискиот „Дедо Мраз“ додели новогодишни подароци.
Традиционалната манифестација која долги години се реализира во организација на оваа воздухопловна единица на Армијата и оваа година предизвика огромен интерес кај децата на припадници на Армијата и Министерството за одбрана но и на сите останати граѓани кои присуствуваа на настанот
На настанот присуствуваше и претседателката Гордана Сиљановска-Давкова која преходно заедно со министерот за одбрана Владо Мисајловски и началникот на генералштабот генералот Лафчиски разговараше со припадниците на македонската армија во мисии во странство.