Македонија

Декларација на ЕФА до Комитетот на министри на Советот на Европа за правата на Македонците во Бугарија и надѕорот врз неа за нивното кршење

„Работната група за јазични и малцински права на Европската слободна алијанса (ЕФА) нагласува дека секое затворање, или намалување на меѓународниот надзор врз Бугарија во врска со нејзините постојани кршења на правата на Македонците во Бугарија, во оваа фаза би било прерано и спротивно на обврските, што произлегуваат од член 46 од Конвенцијата. Со тоа се поткопуваат авторитетот на Европскиот суд за човекови права во Стразбур и доверливоста на системот за заштита на човековите права на Советот на Европа.“ – порача европската партија Европска слободна алијанса – ЕФА во „Декларацијата на Работната група за јазични и малцински права на ЕФА околу македонското малцинство во Бугарија“, донесена вчера на 20 ноември 2025 година во врска со претстојниот состанок на Комитетот на министри на Советот на Европа, кој треба да се одржи на 2 декември 2025 година.

2 минути за читање

Работната група за јазични и малцински права на Европската слободна алијанса (ЕФА) во својата „Декларација“ до Комитетот на министри на Советот на Европа, објавена вчера, на 20 ноември 2025 година, изразува „длабоко жалење, поради неодамнешната одлука за намалување на меѓународниот надзор врз Бугарија во врска со нејзините постојани кршења на правата на Македонците во Бугарија“.

Во споменатата декларација на ЕФА се истакнува: „На 1 октомври 2025 година Парламентарното собрание на Советот на Европа на својата пленарна седница одлучи да го затвори пост-мониторинг дијалогот со Бугарија и наместо тоа да го разгледа нејзиниот напредок во рамките на периодичните прегледи. Проценката, претставена од известувачите на Парламентарното собрание на Советот на Европа за неисполнувањето на обврските за пристапување од страна на Бугарија, се однесуваше на малцинските права, вклучително и состојбата на македонското малцинство, и даде конкретна референца за неспроведувањето на пресудите во случајот ОМО Илинден и други против Бугарија. Сепак, не успеа да даде суштински коментар, или должно внимание на овие прашања во својата целокупна проценка и препорака за прекин на пост-мониторингот за Бугарија.“

„Работната група за јазични и малцински права на Европската слободна алијанса (ЕФА) изразува сериозна загриженост во врска со одлуката да се разгледа барањето на бугарската влада за затворање на мониторингот на групата Обединета Македонска Организација Илинден и други против Бугарија (Апликација бр. 59491/00) на претстојниот состанок на Комитетот на министри на Советот на Европа на 2 декември 2025 година.“

„И покрај повторените констатации за прекршување на член 11 од Европската конвенција за човекови права, ниедна Македонска организација сè уште не е успешно регистрирана во Бугарија. Неодамнешните одбивања на апликации од македонски организации како што се ОМО ‘Илинден’ и Комитетот за човекови права ‘Толеранција’ јасно покажуваат дека Бугарија не ги спроведе одлуките на судот. – се наведува во „Декларацијатата на Работната група за јазични и малцински права на ЕФА во врска со македонското малцинство во Бугарија“.

Поврзани теми:

кршење на национални и јазични права на Македонци во Бугарија|Комитет на министри на Совет на Европа|топ|актуелно|ОМО „Илинден“-ПИРИН|Европски суд за човекови права|Европска слободна алијанса - ЕФА

Повеќе на оваа тема:

Најнови вести од: Македонија

Средба Савески-Политичарите да се воздржат од влијанија и притисоци врз правосудството! Политиката да ги тргне рацете од него!

Важно е да се обезбеди максимална независност и самостојност на правосудните органи, како суштински предуслов за владеење на правото, истакнаа државниот обвинител Ненад Савески и претседателот на Уставниот суд, Дарко Костадиновски, кои денеска одржаа работна средба. Недовербата во правосудството може да се надмине само преку конкретни постапки, професионален интегритет и видлива отчетност, рече државниот обвинител Ненад Савески на оваа работна средба.

Спроти завршувањето на рокот Иран да го отвори Хормускиот теснец и можното негово масовно бомбардирање драматична објава на Трамп: Целата цивилизација ќе умре вечерва!

„Целата цивилизација ќе умре вечерва, за да не се врати никогаш повеќе. Не сакам тоа да се случи, но веројатно ќе се случи.“ – порача предмалку претседателот на Соединетите Американски Држави Доналд Трамп во драматичната и невообичаена објава на својата општествена мрежа „Општествена вистина“ („Truth Social“ ). Оваа заканувачка објава американскиот претседател ја изнесе денес, пред истекот на крајниот рок до 20 часот, што им го постави на иранските лидери да ја прекинат блокадата на Хормускиот теснец и да го отворат за минување на танкери со нафта, за да, како што рече, „не им се урне врз главата пеколот“.

Кекеновски за полагањето правосуден на албански: Тоа е политички инструментализирана тема, спротивна на уставниот поредок! Правото не е етнички договор!

Професорот по право Јове Кекеновски оцени дека барањето правосудниот испит да се полага на друг јазик не претставува прашање на јазични права, туку политички инструментализирана тема што, според него, е спротивна на уставниот поредок и правната сигурност. Тој посочува дека Уставот јасно го утврдува македонскиот како службен јазик, додека употребата на другите јазици се однесува на институционална комуникација, а не на професионални критериуми за влез во правосудниот систем.

Мицкоски: Македонија е прва во Европа со ваков стратешки дијалог со САД, ретка руда од паланечко ќе се извезува во Оклахома

Македонија е првата земја од Европа која одржува стратешки дијалог на вакво високо ниво со актуелната администрација на Соединетите Американски Држави.
Сите вести од Македонија

Најнови вести

To top