Македонија

Денес седница на собраниската комисија за надѕор на работата на безбедносните агенции и надѕорна посета во АНБ

„Се следи и прислушува од 90-тите години. Една иста структура, речиси исти луѓе и оперативци, блиски до минатата власт, оперираат со системот. Со ваквите чекори се удира врз уставниот поредок. Последиците на таквиот извитоперен систем уништуваат човечки судбини на генерации луѓе и ја доведуваат во опасност целата држава, ставајќи го на тацна безбедносниот систем.“ – имаше изјавено претседателот на Владата на Република Македонија Христијан Мицкоски во својот говор на одбележувањето на 8 септември, Денот на независноста на Република Македонија.

2 минути за читање

Собраниската комисија за надѕор во работата на Агенцијата за национална безбедност (АНБ) и Агенцијата за разузнавање (АР) денес ќе одржи седница, на чиј дневен ред е Предлогот за вршење надзор во работата на АНБ. По седницата оние членови на Комисијата, кои имаат безбедносни сертификати, ќе одат во надѕорна посета на АНБ.

Седницата на Комисијата беше свикана на предлог на пратеникот од ВМРО ДПМНЕ Љупчо Пренџов, откако во јавноста излезе информација дека АНБ од 2019 до 2024 година го прислушувала премиерот Христијан Мицкоски, тогашен опозициски лидер, но и новинари и бизнисмени.

Директорот на Агенцијата за национална безбедност Бојан Христовски во изјава за медиумите рече дека целата документација е испратена во Обвинителството, а премиерот Христијан Мицкоски неколкупати досега изјавуваше дека очекува Обвинителството да постапи.

Премиерот Мицкоски во неговиот говор на централната прослава по повод Денот на независноста рече дека не е прашање дали ќе се декласифицираат материјалите, туку вистинското прашање е како да се спречат злоупотребите. Според Мицкоски, мора да има одговорност.

„Се следи и прислушува од 90-тите години. Една иста структура, речиси исти луѓе и оперативци, блиски до минатата власт, оперираат со системот. Со ваквите чекори се удира врз основите на демократијата, се удира по уставниот поредок. Последиците на таквиот извитоперен систем уништуваат генерации луѓе и ја доведуваат во опасност целата држава, каде на тацна го ставаат безбедносниот систем. Ваквите удари уништуваат човечки судбини, најчесто измислувајќи ситуации, контакти, додавајќи работи кои не постојат. За ова сум сведок и јас лично, гледајќи го материјалот од моето следење.“- рече Мицкоски.

Најавено е дека седница со таа точка на дневен ред  ќе се одржи денес во 17 часот попладнето.

Основното јавно обвинителство за гонење организиран криминал и корупција на 2 септември информира дека по насоки на државниот јавен обвинител Љупчо Коцевски оформиле предмет, во кој се преземаат  проверки на наводите за следење на премиерот Христијан Мицкоски, како и дека детално ќе бидат испитани и наводите во последните известувања од АНБ. Тим од истражители од ОЈО ГОКК, како што соопштија оттаму, биле примени во АНБ во рамки на предистрагата за наводите за незаконско прислушување. Притоа била договорена динамиката за спроведување на увидот во документацијата, со која располага АНБ.

Поврзани теми:

обвинителство|Република Македонија|Премиер Христијан Мицкоски|Агенција за национална безбедност (АНБ)|Агенција за разузнавање (АР)|незаконско следење и прислушување

Повеќе на оваа тема:

Најнови вести од: Македонија

Ветвендосје на Курти победи на изборите, но дали ќе има мнозинство гласови, за да формира самостојно влада на Косово? – Честитка од Меџити

Изет Меџити, градоначалник на општина Чаир и еден од лидерите на коалицијата Вреди, испрати честитка до премиерот Албин Курти по неговата нова изборна победа во Косово. „Добра вест доаѓа од Косово. Уште една победа за Албин Курти и Самоопределување. Албин, големо задоволство е да ја видам вашата нова победа, дури поголема од претходните избори. “ – посочи, покрај другото, Меџити во својата честитка. Тој додаде дека „од Скопје ја потврдува својата поддршка за демократските процеси во Косово“.

На паркинг на булеварот „АСНОМ“ во Скопје, оштетени 34 возила!

Не едно, не неколку, туку рамно 34 возила се оштетени на паркингот на булеварот „АСНОМ“ (од Ново Лисиче кон населба Аеродром) – некој решил да се „забавува“, или за што станува збор?! Екипа од СВР Скопје извршила увид, известен е јавен обвинител и се преземаат мерки за пронаоѓање на сторителот и за целосно расчистување на случајот, велат од полицијата.

Над половина од семејствата со повеќе деца едвај крпат крај со крај

Просечно секој петти граѓанин во државата живее во сиромаштија, а според последните податоци на ДЗС за лани, стапката на сиромаштија во земјата изнесува 21,9 %. Најизразена е кај децата до 17 години каде процентуалноста пак достигнува 29,5 % што укажува на тоа дека речиси една третина од младите деца живеат во сиромаштија. Кај вработените лица, стапката на сиромаштија во 2024 година изнесува 7,9 проценти, што укажува на присуство на т.н феномен на „сиромашни вработени“ – лица кои и покрај тоа што имаат работа, остваруваат приходи под прагот на сиромаштија.

Шабани: Огромното мнозинство од младите во РМ воопшто не се заинтересирани за темите, за кои зборува Али Ахмети, „доживотниот цар на ДУИ“!

„Без нови личности и визија, ДУИ се изложува на опасност да остане во опозиција долго време. Конгресот на ДУИ произведе незадоволство, а не реформи. Лошото во врска со Конгресот на ДУИ е тоа што не со замина Али Ахмети, кој е главниот виновник за поразот на ДУИ на локалните избори одржани во октомври. А тој сака да остане цар, самовладетел во ДУИ до својата смрт! Огромното мнозинство од младите луѓе во земјата, особено оние родени по Охридскиот договор, воопшто не се заинтересирани за темите за кои зборува Али Ахмети.“ – се нагласува во анализата, која е објавена во весникот на албански јазик „Бота сот“ од Приштина, Косово со наслов „Поделба во ДУИ по изборот на раководството на Конгресот“.

Хаос во центарот на Скопје: „Сеат“ удри во три паркирани автомобили, контејнери, автомобили во движење и семафор

Вистински хаос се случил во петокот околу 12:30 часот на улицата Григор Прличев во Скопје, кога патничко возило „сеат“ предизвикало серија судири, оштетувајќи повеќе автомобили, контејнери и градска инфраструктура.
Сите вести од Македонија

Најнови вести

To top