„Со 5 гласа за и 1 против Државната изборна комисија го усвои Упатството за пополнување образец на листи за кандидати за членови на совети на општините и на Град Скопје. Единствено против ова упатство беше Дитмире Шеху, членка од редовите на ДУИ. Таа смета дека тоа упатство не може да биде донесено врз основа на одлука на Владата, со што предвид се земаат само резидентните жители, а не и иселениците, поради кое се намалува бројот на советници во 14 општини. Шеху најави дека ова упатство ќе го оспори пред Управниот суд.“ – објави ТВ 21
Натаму телевизијата наведува: „Чудно е што секторот за правни работи на ДИК го нагласува зборот ‘жител“ и ми кажува мене тука дека е во согласност со законот со законот, каде што основата за одредување на бројот на советници е резидент’ и зборот ‘жител’ во законот за локална самоуправа подразбира дека се жителите резидентни.“ – изјави Дитмире Шеху.
Претседателот на ДИК Борис Кондарко рече дека тие немаат надлежности да навлегуваат во содржината на одлуката на Владата и оти немаат друга законска можност освен да постапуваат по неа.
„Ние не можеме да навлегуваме во Законот за попис во дефиниција на термините жител, резидент и така натаму: немаме никакво право како Државна изборна комисија да го толкуваме тоа. За нас е важно дека, одлуката, каква е – таква е, легитимна е, во важност е и во правна сила. Немаме друг акт и друго законско овластување, врз основа на кое би постапувале при определувањето на бројот на советници во општините.“ – посочи Кондарко.
Ваквата одлука на Владата произлезе од пописот на население, кој покажа намалување на бројот на жители. Поради тоа, согласно со Законот за локална самоуправа беше донесена одлука за намалување на бројот на советниците во одредени општини, каде што се покажа дека е тоа потребно. – објави ТВ 21.