Дипломатот Дмитриј Зиков е назначен за амбасадор на Русија во Македонија, а указот го потпиша рускиот претседател Владимир Путин.
„Да се назначи Дмитриј Константинович Зиков за вонреден и ополномоштен амбасадор на Руската Федерација во Република Северна Македонија“, се наведува во документот.
Путин го ослободи од должноста претходниот амбасадор Сергеј Баздникин на почетокот на декември. По враќањето во Москва, дипломатот го раководи Одделот за историја и документација на руското Министерство за надворешни работи.
Пред неговото назначување во Скопјe, Зиков беше заменик-директор на Вториот европски департмент на руското Министерство за надворешни работи. Вонреден и ополномоштен амбасадор прва класа е рангот на 57-годишниот дипломат.