Наместо до 6 април, попустот што компанијата ОКТА го воведе за горивата ќе трае до крајот на месецот, односно до 30 април, информираат оттаму, пренесува МИА.
Како одговор на тековната меѓународна ценовна нестабилност, компанијата до 30 април го продолжува попустот што се нуди при продажба на дизел и бензини кон големопродажните и малопродажните трговци.
„Попустот за дизел изнесува три денари по литар, а за бензините од 95 и 98 октани останува два денари по литар“, соопштија од компанијата.
Иницијативата, како што велат од компанијата, е доброволна, со што им се овозможува на трговците да ја пренесат добивката кон крајните потрошувачи во земјава.
„Сепак, големопродажните и малопродажните трговци имаат целосна слобода самостојно да ги дефинираат своите цени, согласно нивната комерцијална политика“, велат од ОКТА.
Како одговор на тековната меѓународна ценовна нестабилност, ОКТА до 30 април 2026 година го продолжува попустот што се нуди при продажба на дизел и бензини кон големопродажните и малопродажните трговци. Попустот за дизел изнесува 3 денари по литар, додека попустот за бензин од 95 и 98 октани останува 2 денари по литар, информираат од компанијата.
На 24 март, од ОКТА информираа дека наместо до крајот на март, попустот ќе трае до 6 април.
Дополнително, компанијата донела одлука за воведување дополнителен попуст од еден денар по литар за дизелот, што значи дека од денеска попустот се зголемува од два на три денари по литар.